• 2021-04-09 03:18:15
  • ព័ត៌មាន

នៅថ្ងៃនេះ Victoria ដល់ពេលត្រូវ Bye Bye ផលិតកម្ម SM ជា​ផ្លូវការហើយ

  • 2021-04-09 03:18:15
  • ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទៅ០៩ ខែមេសា អ្នក​តំណាង​ម្នាក់​មក​ពី​ផលិតកម្ម SM បាន​បញ្ជាក់​ទៅកាន់​បណ្ដាញ​សារព័ត៌មាន​ផ្សេង​ទៀតជា​ច្រើន​ថា​ «វាជាការពិត​ដែលកុងត្រារវាង​យើង និង Victoria ដល់ពេល​ត្រូវ​បញ្ចប់»

Victoria បាន​ស្ថិតនៅក្រោម​ផលិតកម្ម SM តាំង​ពី​ឆ្នាំ ២០០៩​មក​ នៅពេល​នាង​ចេញ​មុខ​ Debut ជា​សមាជិក​ក្រុម f(x)។ ត្រឡប់​ទៅកាល​ពីឆ្នាំ ២០១៥​ ផលិតកម្ម SM បាន​បង្កើត "Victoria Song Studio” ដើម្បី​គាំទ្រការងារ​គ្រប់វិស័យ (សម្ដែង និងច្រៀង) របស់​នាង​នៅក្នុងប្រទេស​ចិន។ ស្របពេល​ដែល​សមាជិក​រួមក្រុម​ផ្សេង​ទៀត​មាន​ Luna, Amber និង Krystal សុទ្ធ​តែ​ដើរចេញពី SM នៅសល់តែ Victoria ទេ ដែលបន្តទំនាក់ទំនងជាមួយនឹងផលិតកម្មនេះ តាមរយៈ Studio នៅ​ចិន​របស់នាង។

ទោះជាយ៉ាងណា​ នៅថ្ងៃទី០៩ ខែមេសា​នេះ​ Victoria ក៏​ដល់ពេល​ត្រូវ​ដើរចេញ​ពី​ផលិតកម្ម SM បន្ទាប់​ពីបាន​ផ្ញើប្រាណ​រយៈពេល​ ១២ឆ្នាំមក។ ដូចនេះ​សរុបមកចាប់​ពីពេល​នេះ សមាជិក​របស់ f(x) ទាំងអស់​លែង​មាន​អ្វី​ពាក់ព័ន្ធ​នឹង​ SM ទៀតហើយ៕​

ប្រភព៖ Allkpop ប្រែ​សម្រួល៖ យី សុធារី

មតិយោបល់