- 2021-04-20 03:07:39
- ព័ត៌មាន
រូបភាពកម្រ ប្រទះឃើញ អ៊ុក សុវណ្ណារី ចូលហាងជាមួយយុវជនវ័យក្មេងម្នាក់យ៉ាងស្និទ្ធស្នាល
- 2021-04-20 03:07:39
- ចំនួនមតិ 0 | ចំនួនចែករំលែក 0
រូបភាពកម្រ ប្រទះឃើញ អ៊ុក សុវណ្ណារី ចូលហាងជាមួយយុវជនវ័យក្មេងម្នាក់យ៉ាងស្និទ្ធស្នាល
ចន្លោះមិនឃើញ
រូបភាពប៉ុន្មានសន្លឹក ក្រុមការងារ Sabay ប្រមាញ់បានកាលពីពេលថ្មីៗនេះ ដោយនៅក្នុងរូបភាពនោះ គឺមានយុវតីវ័យក្មេងប្រុសស្រីមួយគូ ដែលខាងស្រី ត្រូវបានគេស្គាល់ថាជាតារាចម្រៀងស្រីប្រិយមិត្តហៅថា "អាយដលតូច" អ៊ុក សុវណ្ណារី។
ទិដ្ឋភាពនោះ ប្រមាញ់បាននៅក្នុងហាងកាហ្វេមួយកន្លែង កាលពីពេលថ្មីៗ។ សុវណ្ណារី ស្លៀករ៉ូបខ្លីលើភ្លៅពណ៌ក្រហម ត្រូវបានគេឃើញស្និទ្ធស្នាលជាមួយនឹងយុវជនម្នាក់ ដែលមានវ័យស្របាលគ្នា។នេះជាទិដ្ឋភាពយ៉ាងកម្រ ចាប់តាំងពីអាយដលតូចបានក្លាយជាតារាចម្រៀងអាជីពរបស់ផលិតកម្ម Galaxy Navatra ជាង១ឆ្នាំមកនេះ។
តាមរូបភាពប៉ុន្មានសន្លឹកដែលប្រមាញ់បានដោយកម្រនោះ ការសង្ស័យជំហានដំបូង យុវជន និងតារាចម្រៀងតូច អាចជាមិត្តភ័ក្តិនឹងគ្នា។ ការសង្ស័យមិនផ្ដោតទៅលើផ្លូវស្នេហា ដោយហេតុថា ពួកគេទាំងពីរសុទ្ធតែក្មេងខ្ចី ពោលគឺជាង ១០ឆ្នាំដូចគ្នាប៉ុណ្ណោះ ដែលភាគច្រើន គេឃើញថា យុវវ័យខ្មែរបច្ចុប្បន្នក្នុងវ័យនេះ ចូលចិត្តការសប្បាយដោយការជួបជុំគ្នានៅកន្លែងញុំាអីទំនើបៗបែបនេះ។
គិតមកដល់ពេលនេះ អ៊ុក សុវណ្ណារី មានវ័យ ១៦-១៧ឆ្នាំហើយ ហើយអាជីពសិល្បៈរបស់នាងក៏បាន និងកំពុងដំណើរល្អផងដែរ ក្រោមការយឹតយោងរបស់ Galaxy Navatra។ ជាក់ស្ដែង តាមរបាយការណ៍របស់យូធូបប្រចាំឆ្នាំរបស់ផលិតកម្ម បទចម្រៀងរបស់ សុវណ្ណារី ក៏ជាប់ក្នុងចំណោមបទពេញនិយមបំផុតប្រចាំឆ្នាំរបស់ផលិតកម្មទៀតផង។ ក្រៅពីមានសំឡេងពីរោះ ច្រៀងបានគ្រប់ប្រភេទបទ អ៊ុក សុវណ្ណារី ក៏អំណោយផលលើរូបរាងថែមទៀត។
ដូច្នេះហើយ ក្នុងឆ្នាំ ២០២១ នេះ គេជឿថា តារាចម្រៀងតូច នឹងកាន់តែហោះហើរថែមទៀត នៅពេលចាប់ផ្ដើមធំពេញរូបពេញរាង ពេញសក្ដានុពល ដែលជាវេលានាង នឹងរឹតតែផ្ដោតខ្លាំងថែមទៅលើអាជីពចម្រៀង ដោយឡែកស្នេហា ទំនងជាមិនមែនជារឿងអាទិភាពនោះទេ នៅក្នុងពេលនេះ។ ប៉ុន្តែនាងអាចហោះហើរបានប៉ុណ្ណា ក៏ត្រូវពឹងលើការជួយជ្រោមជ្រែងពីផលិតកម្មដែរ ក្នុងន័យនេះ ប្រសិនបើ សុវណ្ណារី ពេញសក្ដានុពល ទាំងសំឡេង ទាំងរូបរាង បូកនឹងការយឹតយោងរបស់ផលិតកម្មទៀត ២០២១ តារាចម្រៀងតូច នឹងអណ្ដែងឡើងកាន់តែខ្ពស់មិនខាន៕
