- 2021-05-13 03:38:41
- ព័ត៌មាន
តិចថាមានអ្នកលួចស្រឡាញ់ ថ្ងៃនេះស្រីស្អាត លីកា បង្ហាញមុខគូសេ្នហ៍ហើយ គឺបុរសសង្ហាជាមន្ត្រីយោធាមួយរូប
- 2021-05-13 03:38:41
- ចំនួនមតិ 0 | ចំនួនចែករំលែក 0
តិចថាមានអ្នកលួចស្រឡាញ់ ថ្ងៃនេះស្រីស្អាត លីកា បង្ហាញមុខគូសេ្នហ៍ហើយ គឺបុរសសង្ហាជាមន្ត្រីយោធាមួយរូប
ចន្លោះមិនឃើញ
កញ្ញា តែ ស៊ុនសុដាលីកា ហៅ លីកា ដែលនៅរស់នៅស្ងប់ស្ងាត់ពីការរាំលោតហក់ នៅព្រឹកនេះ បានផ្ដើមឲ្យមានការចាប់អារម្មណ៍ថ្មីមួយ ក្រោយពីនាងបានបង្ហាញរូបថតស្និទ្ធស្នាលជាមួយកំលោះវ័យក្មេងរូបស្រស់សង្ហាមួយរូប។
លីកា បានផ្អាកពីការងាររាំទាំងស្រុង ចាប់តាំងពីនាងមានគ្រោះថ្នាក់ចរាចរណ៍ និងបន្តព្យាបាលមកដល់សព្វថ្ងៃ។ ជំនួសឲ្យការបញ្ចប់និស្ស័យរាំ លីកា ក៏ងាកទៅទទួលការងារថតស្ប៉តពាណិជ្ជកម្មជាជំនួសវិញ និងមិនធ្វើការងារសិល្បៈអ្វីទៀតឡើយ។ តាំងពីមុន និងក្រោយផ្អាកការលោតរាំចង្វាក់ K-pop លីកា មិនដែលឲ្យតម្រុយពីរឿងជីវិតស្នេហារបស់នាងឡើយ ទើបតែនៅថ្ងៃនេះ នាងបានបង្ហាញរូបស្និទ្ធស្នាលជាមួយបុរសម្នាក់។
កូនស្រីលោក តែ ស៊ុនណាង បានបង្ហោះរូបនាង ឈរជិតគ្នាជាមួយបុរសម្នាក់នៅលើ IG របស់នាង។ ជំនួសឲ្យអធិប្បាយជាអក្សរ លីកា បានប្រើ Emoji រូបបេះដូង ដោយបាន Mention ឈ្មោះបុរសវ័យក្មេងដែលឈរថតជាមួយនាងផង។ សកម្មភាពនេះ ប្រិយមិត្តរបស់នាងយល់ជាស្រេចថា លីកា និងបុរសសង្ហាជាមួយអ្វីនឹងគ្នា។ ដូច្នេះហើយ ពួកគេបានចូលទៅសរសេរសារអបអរ និងជូនពរពួកគេទាំងពីររឿងខ្លួន។
ជាមួយគ្នា ខ្លះក៏បានលើកសរសើរថា ពួកគេទាំងពីរពិតជាសាកសមគ្នាឥតទាស់ ទាំងវ័យ និងរូបសម្បត្តិ ស្រស់ស្អាត និងស្រស់សង្ហាសមសួននឹងគ្នាណាស់។ យ៉ាងនេះក្ដី នៅលើ IG របស់ភាគីខាងស្រី គេឃើញមានតែប៉ុន្មានសន្លឹកប៉ុណ្ណោះ ដែលនាងប្រើប្រាស់ឲ្យតម្រុយពីជីវិតឯកជនរបស់នាងយ៉ាងកម្រ។ ប៉ុន្តែងាកទៅ IG របស់ភាគីខាងប្រុសឯណោះវិញ គេឃើញមានរូបពួកគេស្និទ្ធស្នាលនឹងគ្នាជាច្រើនសន្លឹក។
ស្ថានភាពនេះ សង្កត់ន័យកាន់តែច្បាស់អំពីទំនាក់ទំនងរបស់ពួកគេ។ តាមរយៈនេះគេបានដឹងថា បុរសសង្ហាដែលមានសំណាងបាននៅកៀកកិតនឹងស្រីស្អាត លីកា មានឈ្មោះថា វុន សារ៉ាវុធ មានតួនាទីជាមន្ត្រីយោធាពាក់ស័ក្តិ ៤។ យ៉ាងណា គេមិនទាន់ដឹងអំពីដំណើរដើមទងនៃការជួបប្រសព្វគ្នារបស់ស្រីស្អាត និងប្រុសសង្ហារូបនេះឡើយ ខណៈសាមីខ្លួនខាងស្រី នៅមិនទាន់អាចភ្ជាប់ទំនាក់ទំនងដើម្បីសុំការអធិប្បាយលម្អិតបាន។
ចំណុចគួរកត់សម្គាល់មួយ ដូចបានបញ្ជាក់ពីខាងលើ លីកា កម្របើកទូលាយរឿងរ៉ាវអំពីមនុស្សរបស់នាងណាស់។ ដូច្នេះហើយ ក្រោយពីសម្រេចបើកចំហជាលើកដំបូង និងកម្រពីភាគីខាងស្រីនៅគ្រានេះ នាំឲ្យមានការសង្ស័យបន្ថែមទៀត ពួកគេអាចនឹងមានដំណឹងល្អក្នុងពេលមិនយូរនេះផងក៏មិនដឹង៕
