- 2021-05-21 07:32:45
- ព័ត៌មាន
នៅចាំបុរសម្នាក់នេះអត់? លោក កំពុងដំឡើងរថយន្ដផ្ទាល់ខ្លួន ត្រៀមធ្វើដំណើរផ្សងព្រេងមួយនៅរដូវវស្សានេះ
- 2021-05-21 07:32:45
- ចំនួនមតិ 0 | ចំនួនចែករំលែក 0
នៅចាំបុរសម្នាក់នេះអត់? លោក កំពុងដំឡើងរថយន្ដផ្ទាល់ខ្លួន ត្រៀមធ្វើដំណើរផ្សងព្រេងមួយនៅរដូវវស្សានេះ
ចន្លោះមិនឃើញ
តារាចម្រៀងOriginal Song លោក អ៊ួន បឋម ហៅសាយ មានគម្រោងធ្វើដំណើរផ្សងព្រេងមួយនៅក្នុងរដូវវស្សាឆ្នាំ២០២១ នេះ។ លោក កំពុងដំឡើងកង់រថយន្តម៉ាកPick-upផ្ទាល់ខ្លួន១គ្រឿង ដើម្បីឲ្យត្រូវទៅនឹងស្ថានភាពផ្លូវ និងការធ្វើដំណើររបស់លោក។
សាយ បានសរសេរសារមួយដោយភ្ជាប់រូបថតឡានរបស់ខ្លួនដែលកំពុងឡើងប៉ុងនៅរសៀលថ្ងៃទី២១ ខែឧសា តាមគណនី Facebookថា Upgrade អាធុរេន ត្រៀម Advanture រដូវវស្សានេះ។ មានគេសួរលោកថា ម៉េចបានជាមិនដាក់ស្លាកលេខភ្នំពេញស្រួលលក់ចេញវិញជាដើម តែលោកថាលោកមានមោទនភាពដែលជាអ្នករតនគិរី ហើយក៏មិនខ្មាសគេដែរដែលកើតមកជាប់ខ្សែស្រឡាយជនជាតិដើមភាគតិច។
សាយ៖"មិនសំខាន់យើងកើតនៅទីណា នៅក្នុងក្រុមគ្រួសារណានោះទេ អ្វីដែលសំខាន់គឺយើងត្រូវស្គាល់ខ្លួនឯង ចេះUpgrade ខ្លួនឯងជារឿយៗដើម្បីក្លាយខ្លួនទៅជា បុគ្គលដែលយើងចង់បាន ហើយតស៊ូធ្វើរឿងដែលយើងចង់ធ្វើឱ្យបានសម្រេច។ ចេះមោទនភាពលើស្រុកកំណើតរបស់ខ្លួនឯង និងចូលរួមកសាងសង្គមមួយដែលយើងចង់បាន"។
គិតត្រឹមម៉ោង២រសៀលថ្ងៃទី២១ ខែឧសភា នេះ Sabay មិនទាន់អាចទាក់ទងលោក អ៊ួន បឋម ហៅសាយ ដើម្បីសួរបញ្ជាក់ថាដំណើររបស់លោកពេលនេះនឹងចាប់ផ្ដើមនៅថ្ងៃណា? ហើយមានគោលបំណងសំខាន់អ្វីខ្លះ?
សូមរំលឹកថា លោក អ៊ួន បឋម ហៅសាយ ទើបបញ្ចប់បេសកកម្មមនុស្សធម៌ដ៏អស្ចារ្យមួយ តាមរយៈគម្រោង"រត់ដើម្បីសប្បុរសធម៌ជាមួយសាយ"។ ក្រោយបញ្ចប់បេសកកម្មនេះ រូបលោកត្រូវបានអាជ្ញាធរ និងមហាជនទូទៅទទួលស្គាល់នូវការលះបង់និងវីរភាពរបស់លោកដើម្បីជួយសង្គម ដោយលោកធ្លាប់រត់ស្ទើរជុំវិញស្រុកខ្មែរ ដើម្បីប្រមូលមូលនិធិជួយដល់កុមាររងគ្រោះ នៅមន្ទីរពេទ្យកុមារអង្គរ ខេត្តសៀមរាប៕
