- 2021-05-28 08:01:38
- ព័ត៌មាន
កូនស្រីបង្កើតរបស់ពិធីការិនី ស៊ិន ឧត្ដមផល្លា ពោលពាក្យដ៏សង្វេគបំផុតក្រោយពីម្ដាយស្លាប់
- 2021-05-28 08:01:38
- ចំនួនមតិ 0 | ចំនួនចែករំលែក 0
កូនស្រីបង្កើតរបស់ពិធីការិនី ស៊ិន ឧត្ដមផល្លា ពោលពាក្យដ៏សង្វេគបំផុតក្រោយពីម្ដាយស្លាប់
ចន្លោះមិនឃើញ
កូនស្រីបង្កើតរបស់អតីតតារាចម្រៀង និងជាពិធីការិនី ស៊ិន ឧត្ដមផល្លា ដែលទើបតែទទួលមរណភាពដោយសារជំងឺមហារីកកូនកណ្ដុរកាលពីព្រឹកមិញ បានធ្វើឲ្យអ្នកមហាជន ជាពិសេសអ្នកគាំទ្រម្ដាយខ្លួនស្លុតចិត្ត ហើយកាន់តែមានការអាណិតអាសូរចំពោះគ្រួសារតារាមួយនេះ បន្ទាប់ពីនាងពោលពាក្យដ៏សង្វេគ។
កញ្ញា ចាន់ ឡៃវលក្ខណ៍ បានបង្ហោះសារមួយដោយមានភ្ជាប់រូបថតនាងឈរឱបម្ដាយតាមបណ្ដាញសង្គមFacebook ថា៖"ម៉ាក់អើយម៉ាក់! ម៉ាក់ដាច់ចិត្តម្ល៉េះ! ប្រហែលម៉ាក់ហត់ហើយម៉ាក់ចង់សម្រាក ហើយការសន្យារបស់ម៉ាក់ថានឹងវិលមកវិញក៏លែងមានប្រសិទ្ធិភាពទៀតដែរ។ មនុស្សល្អដូចម៉ាក់ប្រាកដជាបានឡើងឋានសួគ៌ ម៉ាក់សម្រាកចុះណាម៉ាក់"។
តារាចម្រៀង និងជាពិធីការិនីល្បីឈ្មោះ ស៊ិន ឧត្ដមផល្លា បានទទួលមរណភាពកាលពីម៉ោង៧ និង៣០នាទី ថ្ងៃទី២៨ ខែឧសភា ឆ្នាំ២០២១។ កាលនៅរស់តារាចម្រៀងរូបនេះ ធ្លាប់បង្ហាញបំណងប្រាថ្នាចុងក្រោយរបស់ខ្លួនថា មុននឹងស្លាប់នាងចង់ឃើញកូនស្រីមានគូរស្រករ បានរៀបការ មានសុភមង្គលបំផុត។ ប៉ុន្ដែមិនបានប៉ុន្មានផង នាងក៏បានស្លាប់ទៅដោយបន្សល់នូវកូនប្រុស-ស្រី ហើយមិនទាន់បានឃើញកូនណាម្នាក់រៀបការតាមក្ដីប្រាថ្នារបស់នាងនៅឡើយ៕
