- 2021-06-04 03:41:50
- ព័ត៌មាន
ទ្រាំ៥ឆ្នាំហើយ ថ្ងៃនេះ យឿន ពិសី ថាអយុត្ដិធម៌ ឲ្យជាប់ធ្វើអីបើ១ឆ្នាំ មិនដែលបាន១ឆាកផង!
- 2021-06-04 03:41:50
- ចំនួនមតិ 0 | ចំនួនចែករំលែក 0
ទ្រាំ៥ឆ្នាំហើយ ថ្ងៃនេះ យឿន ពិសី ថាអយុត្ដិធម៌ ឲ្យជាប់ធ្វើអីបើ១ឆ្នាំ មិនដែលបាន១ឆាកផង!
ចន្លោះមិនឃើញ
ម្ចាស់ជយលាភីលេខ១ ក្នុងកម្មវិធីCambodia's Got Talent ឆ្នាំ២០១៥ លោក យឿន ពិសី បានចេញមកបរិយាយទាំងយំសស្រាក់ថា លោកអស់ការអត់ធ្មត់ហើយដោយសារថា ជាម្ចាស់ពានមានន័យអី បើលោកមិនដែលបានឡើងកម្មវិធីអ្វីដែលអាចរកប្រាក់ចំណូលបានខ្លះសោះ ចាប់តាំងពីលោកទទួលបានពាន។ ម្នាក់ឯង។
នៅលើបណ្ដាញសង្គមTik Tok លោក យឿន ពិសី ទម្លាយថា រយៈពេលជាច្រើនឆ្នាំមកនេះរូបលោកដេកអោបតែពានហើយលួចសម្រក់ទឹកភ្នែក និងខំអត់ធ្មត់ជាច្រើនឆ្នាំដោយនឹកឃើញថានឹងបានឡើងឆាក ឬកម្មវិធីផ្សេងៗខ្លះ បើទោះបីជាស្ថិតនៅក្នុងស្ថានភាពកូវីដ-១៩ ប៉ុន្តែក្នុង១ឆ្នាំៗលោកមិនដែលត្រូវបានគេហៅទៅច្រៀងសោះ។
យឿន ពិសី៖"ខ្ញុំចង់និយាយថា បើពេលវេលាអាចបកក្រោយបានខ្ញុំសុំមិនជាប់ល្អជាង...ឲ្យជាប់ធ្វើអីបើ១ឆ្នាំមិនទាន់បាន១ឆាក...រំពឹងអី?...រស់នៅយ៉ាងម៉េច? ខ្ញុំដឹងថាខ្ញុំពិការ គ្រប់កម្មវិធីទាំងអស់មិនសូវចង់បានទេ តែតាំងពីខ្ញុំចូលមកប្រឡូកក្នុងវិស័យសិល្បៈនេះ ខ្ញុំមិនដែលកំណត់តម្លៃខ្លួនឯងថាឡើងម្ដងទទួលរាប់ពាន់ ឬរាប់ម៉ឺនដុល្លារនោះទេ"។
តារាចម្រៀងពិការភ្នែក យឿន ពិសី ថាលោកមិនទាន់អស់ចិត្ដទាល់តែសោះពីតម្លៃពានរង្វាន់លេខ១របស់លោកដែលទទួលបាន ប៉ុន្ដែវាបែរជាអត់ន័យសម្រាប់លោកនៅពេលនេះ។ លោកថា វាអយុត្តិធម៌សម្រាប់លោក ព្រោះគ្រប់តារាទាំងអស់គេបានឡើងឆាកហូរហែ ដោយម្ចាស់កម្មវិធីចុចចំឈ្មោះតារាទាំងនោះរហូត ប៉ុន្ដែចម្លែកតែរូបលោកម្នាក់ប៉ុណ្ណោះ។
ជុំវិញបញ្ហានេះ គេមិនទាន់ឃើញមានការឆ្លើយតបយ៉ាងណាពីភាគីរបស់ទូរស្សន៍ហង្សមាស ដែលជាម្ចាស់រៀបចំកម្មវិធីលំដាក់ពិភពលោកខាងលើនៅឡើយ៕
