- 2021-06-10 01:48:32
- ព័ត៌មាន
CL ជាតារាកូរ៉េដំបូងបង្អស់ ក្លាយជាតារាគ្របមុខរបស់ទស្សនាវដ្ដីអាល្លឺម៉ង់ “032c”
- 2021-06-10 01:48:32
- ចំនួនមតិ 0 | ចំនួនចែករំលែក 0
CL ជាតារាកូរ៉េដំបូងបង្អស់ ក្លាយជាតារាគ្របមុខរបស់ទស្សនាវដ្ដីអាល្លឺម៉ង់ “032c”
ចន្លោះមិនឃើញ
ទស្សនាវដ្ដីអាល្លឺម៉ង់ “032c” ចេញផ្សាយ ២ដងប៉ុណ្ណោះ ក្នុង ១ឆ្នាំ គឺនៅរដូវក្ដៅ និងរដូវរវងា ហើយក៏ជាទស្សនាវដ្ដី ដែលបានចាប់យកសកម្មភាពថ្មី និងល្បីៗបំផុតពីក្នុងវិស័យ Fashion ព្រមទាំងសិល្បៈផ្សេងទៀត។ តារាមួយចំនួនដែលបានក្លាយជាតារាគ្របមុខរបស់ទស្សនាវដ្ដីនេះ កាលពីមុនៗមានតាំងពី Tom Cruise, Rihanna និង Kristen Steward ជាដើម។
ជាក់ស្ដែងលេខថ្មីដែលមាន CL ជាតារាគ្របមុខនៅពេលនេះ ចេញផ្សាយកាលពីថ្ងៃទី០៩ ខែមិថុនា ឆ្នាំ២០២១។ ក្នុងរូប CL គ្រងឈុតក្រហម លើផ្លូវក្នុងទីក្រុងសេអ៊ូល ជាមួយនឹងសក់សេះក្រាស់។
អ្នកតំណាងម្នាក់ពីទស្សនាវដ្ដី "032c” បាននិយាយថា «ពីកំពូលតារា K-Pop ពេលនេះ CL បានវិវត្តទៅជារាជិនីរ៉េបទោលម្នាក់ហើយ។ បើទោះបីបន្ទាប់ពីជំនាន់នៅជាក្រុម នាងក៏នៅតែបន្តលេងខ្លួនតាមបែប High Class ក្នុងភាពជាអ្នកដឹកនាំយ៉ាងពិតប្រាកដ»។
យ៉ាងណាមិញ CL ក៏នឹងត្រៀមខ្លួនក្នុងការបង្ហាញអាល់ប៊ុមថ្មី ហើយក៏នឹងត្រូវមមាញឹកក្នុងនាមជា Producer របស់កម្មវិធីប្រកួត «Super Band 2» របស់ទូរទស្សន៍ JTBC៕