បើជាអ្នកគាំទ្រ Yang Zi អ្នកគ្មានថ្ងៃអូសរំលងចំណុចសំខាន់ទាំង ១០ស្រង់ចេញពីរឿងពិតទាំងនេះទេ

2021-06-11 08:23:46
ព័ត៌មាន

2021-06-11 08:23:46
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលនៃការចូលសិល្បៈរបស់តារាសម្ដែងចិន Yang Zi មិនតិចឆ្នាំនោះទេ គឺដល់ទៅ២២ឆ្នាំ បើគិតពីឆ្នាំ ១៩៩៩ ដល់ ២០២១។ Yang Zi បានសាងស្នាដៃច្រើនណាស់ក្នុងនាមជាតារាសម្ដែង តារាចម្រៀង ព្រមទាំងជាតារាម៉ូដែលទៀត។

ពេលនេះសូមបង្ហាញនូវរឿងរ៉ាវមួយចំនួនដែលកើតចេញពីជីវិតពិតរបស់តារាស្រី មុខស្រទន់រូបនេះទាំង ១០ចំណុច៖

១. ឈ្មោះពីកំណើតរបស់ Yang Zi គឺ Yang Ni’Ao កើតថ្ងៃទី០៦ ខែវិច្ឆិកា ឆ្នាំ១៩៩២ ត្រូវនឹងឆ្នាំវក និងមាន Zodiac Sign: Scorpio។

២. នាងជាមនុស្សម្នាក់ដែលឡិកឡក់ ពេលខ្លះខុសគេ ហើយក៏គួរឲ្យស្រឡាញ់ដែរ។ នេះតាមអ្វីដែលនាងធ្លាប់បាននិយាយខ្លួនឯង។

៣. ដើមហេតុដំបូងដែលទាញចិត្ត Yang Zi ឲ្យមានទំនោរ និងក្ដីស្រឡាញ់ចង់ធ្វើជាតារាសម្ដែង នោះគឺនៅក្រោយពេលដែលនាងបានមើលរឿង «My Fair Princess» ដែលមាន Zhao Wei ដើរតួជា «ត្រចៀកកាំ»។

៤. ចំណូលចិត្តរបស់នាងមានខ្លាំងទៅលើការច្រៀង លេងហ្គីតា ហែលទឹក និងរាំ។

៥. ចំណង់ចំណូលចិត្តផ្សេងរួមមាន៖

Idol ក្នុងចិត្តគឺ Audrey Hepburn
ពណ៌ដែលចូលចិត្តគឺ ខៀវ ស្វាយ និងផ្កាឈូក
ម្ហូបដែលចូលចិត្តមាន ភីហ្សា និងទាដុត
ចូលចិត្តញ៉ាំផ្លែទុរេន និងឪឡឹក
អ្វីដែលធ្វើឲ្យនាងមានអារម្មណ៍សប្បាយមួយរំពេចនោះ គឺបានញ៉ាំ Hotpot

៦. ពេលនៅផ្ទះ និងមានពេលទំនេរពីការថត Yang Zi ចូលចិត្តគេងលេង រៀបចំឥវ៉ាន់ឲ្យមានសណ្ដាប់ធ្នាប់ និងមើលរឿង។

៧. នាងខ្លាចបំផុតពេលដេកម្នាក់ឯង ព្រោះតែងមានអារម្មណ៍ថាខ្លាចសតុ្វចម្លែក ហេតុនេះទើប Yang Zi កុម្ម៉ង់ដាវធំមួយពី Taobao ដើម្បីត្រៀមទុកការពារខ្លួន ពីព្រលឹងបិសាចឲ្យចេញឲ្យឆ្ងាយ។

៨. តារាស្រីរូបនេះធ្លាប់មានអារម្មណ៍បាក់ទឹកចិត្តច្រើនដងកាលពីប៉ុន្មានឆ្នាំមុន ហើយក៏មានអារម្មណ៍ថាហត់នឿយខ្លាំង ដែលត្រូវរស់នៅដើម្បីបំពេញចិត្តមនុស្សគ្រប់គ្នា។ រហូតដល់អាយុ ២៥ឆ្នាំ ទើបនាងសម្រេចធ្វើជាខ្លួនឯង និងធ្វើអ្វីដែលនាងចង់។