- 2021-06-11 08:38:34
- ព័ត៌មាន
ឈ្មោះកូនដាក់រួច ប្រពន្ធក៏ជិតដល់ថ្ងៃ តែ យឿន ពិសី ធ្លោយមាត់ពិបាកចិត្ដ
- 2021-06-11 08:38:34
- ចំនួនមតិ 0 | ចំនួនចែករំលែក 0
ឈ្មោះកូនដាក់រួច ប្រពន្ធក៏ជិតដល់ថ្ងៃ តែ យឿន ពិសី ធ្លោយមាត់ពិបាកចិត្ដ
ចន្លោះមិនឃើញ
តារាចម្រៀងដែលមិនសូវបានបញ្ចេញសំឡេង និងមុខមាត់តាមកម្មវិធីផ្សេងៗ គឺលោក យឿន ពិសី បានពិភាក្សាគ្នាក្នុងការដាក់ឈ្មោះកូនប្រុសដំបូងរបស់ខ្លួនរួចហើយ ខណៈដែលភរិយារបស់លោកពពោះ៧ខែជិតដល់ថ្ងៃសម្រាលហើយនោះ។ ប៉ុន្តែលោកនៅខ្វល់ចិត្តភរិយាឈឺពោះឆ្លងទន្លេ។
លោក យឿន ពិសី បានប្រាប់Sabay នៅថ្ងៃទី១១ ខែមិថុនា ថា អ្វីដែលលោកខ្វល់ ហើយបារម្ភជាងគេនោះ គឺខ្លាចរកពេទ្យដែលទុកចិត្ត និងមន្ទីរពេទ្យដែលអាចទទួលយកភរិយារបស់លោកចូលសម្រាក និងសម្រាលកូនភ្លាមៗ។ លោកថាថ្មីៗនេះមានគេប្រាប់លោកថា ចង់សម្រាលកូនទាល់តែកក់បន្ទប់ នៃមន្ទីរពេទ្យណាមួយដើម្បីត្រៀមសម្រាល បើមិនដូច្នោះទេគេនឹងមិនងាយទទួលឡើយ ព្រោះស្ថិតនៅក្នុងស្ថានភាពកូវីដ ខាងមន្ទីរពេទ្យឯកជនមានការប្រយ័ត្នប្រយែង។
យឿន ពិសី៖"មិនទាន់ដឹងច្បាស់ថាសម្រាលនៅណាទេបងអើយ! ខ្ញុំកំពុងបារម្ភរឿងហ្នឹងណាស់ ព្រោះកូវីដផង ហើយយើងត្រូវរកមន្ទីរពេទ្យណាដែលមានទំនួលខុសត្រូវខ្ពស់។ ចូលក្បាល៧ខែភ្លាម ចាប់គិតភ្លាម...ឥឡូវគ្រួសារកំពុងគិតថាគួរសម្រាលនៅណាហើយ"។
បើតាម យឿន ពិសី កូនប្រុសដំបូងរបស់លោកត្រូវបានភរិយាលោកដាក់ឈ្មោះឲ្យថា"វីរៈបុត្រ"។ តារាចម្រៀង យឿន ពិសី បានរៀបការជាមួយស្រ្ដីក្រៅរង្វង់សិល្បៈម្នាក់កាលពីឆ្នាំ២០២០។ មង្គលការរបស់លោកត្រូវបានធ្វើឡើងក្នុងស្ថានភាពកូវីដ-១៩ កំពុងតែវាយលុក ប៉ុន្តែពិធីមង្គលនេះត្រូវបានប្រព្រឹត្តទៅដោយរលូនជាមួយនឹងភ្ញៀវតិចតួច៕
