- 2021-06-22 00:31:00
- ព័ត៌មាន
មកដឹងមូលហេតុពីក្រោយបណ្ដាលចិត្ត AMRY ហ្វីលីពីននាំគ្នាប្រមូលលុយជួយអ្នកដឹកអាហារម្នាក់
- 2021-06-22 00:31:00
- ចំនួនមតិ 0 | ចំនួនចែករំលែក 0
មកដឹងមូលហេតុពីក្រោយបណ្ដាលចិត្ត AMRY ហ្វីលីពីននាំគ្នាប្រមូលលុយជួយអ្នកដឹកអាហារម្នាក់
ចន្លោះមិនឃើញ
អ្នកគាំទ្រ BTS ជនជាតិហ្វីលីពីនជាច្រើននាក់បាននាំគ្នាប្រមូលថវិកាបានចំនួនជាច្រើន ជូនដល់អ្នកដឹកអាហារម្នាក់ដែរ។
ថ្មីៗនេះ McDonald’s Philippine បានសម្ពោធប្រភេទអាហារថ្មី BTS Meal ក្នុងប្រទេសរបស់ខ្លួន។ ដោយសារតបនឹងការស្រឡាញ់គាំទ្រ ចំនួន Fan មិនតិចទេបាននាំគ្នា កុម្ម៉ង់ BTS Meal ញ៉ាំជាបន្តបន្ទាប់ ស្របពេល Benjamin Baetiong ដែលជាអ្នកបម្រើសេវាកម្មដឹកជញ្ជូនអាហារ បានកត់សម្គាល់ ឃើញថាចំនួនកុម្ម៉ង់ទិញប្រចាំថ្ងៃពិតជាច្រើន។
អ្នកដឹកអាហាររូបនេះ បានបង្ហាញអារម្មណ៍សោមនស្ស ថ្លែងអំណរគុណដល់ AMRY ទាំងអស់លើបណ្ដាញសង្គម ហើយអ្វីដែលលោកបានសរសេរ បង្កប់ន័យថាលោកពិតជារំភើបណាស់ មិនហត់ឡើយ៖ «BTS Meal ពិតជាលក់ដាច់ណាស់ ពួកយើងដែលជាអ្នកដឹករបស់ FoodPanda ពិតជាសប្បាយចិត្តក្នុងការដឹកជញ្ជូន BTS Meal ទៅឲ្យអ្នកទាំងអស់គ្នា។ ហេតុនេះហើយ អ្នកគាំទ្រ BTS ទាំងអស់ go go go បន្តកុម្ម៉ង់តទៀតណា៎»។
មិនយូរប៉ុន្មាន ក៏មានគណនី Twitter មួយបានចាប់ផ្ដើមសកម្មភាពបរិច្ចាគ ដើម្បីជូនដល់លោក Baetiong សម្រាប់ពាក្យសម្ដីល្អៗដែលលោកបានបង្ហោះលើបណ្ដាញសង្គម។ ភ្ជាប់ជាមួយនឹង Hashtag #ARMYMEALProject អ្នកគាំទ្រទាំងអស់បាននាំគ្នារៃអង្គាសថវិកាផ្ទាល់បានចំនួន ៩២៨ដុល្លារឯណោះ ក្នុងរយៈពេលមិនដល់ ១ថ្ងៃផង។
ពេលបានទទួលថវិកាហើយ លោក Baetiong ក៏បានថ្លែងការអរគុណបន្ថែមចំពោះទឹកចិត្តរបស់ ARMY ទាំងអស់ថា៖ «អរគុណអ្នកទាំងអស់គ្នាខ្លាំងណាស់ ខ្លាំងមែនទែន! ជូនចំពោះ BTS FANS ARMY អ្វីដែលអ្នកផ្ដលើឲ្យខ្ញុំពិតជាជំនួយដ៏ធំធេងបំផុត! អរគុណក្រៃលែងបំផុត»៕
