កុំមើលរំលងទឹកចិត្តស្រ្ដី! ម៉ៅ សំណាង ទម្លាយថាស្វាមីធ្លាប់លួចមានស្រីរហូតបានកូន១ ឥឡូវកូនស្រីបង្កើតក៏ត្រូវឃ្លាតឆ្ងាយទៀត

2021-06-22 03:27:44
ព័ត៌មាន

2021-06-22 03:27:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនិពន្ធជើងចាស់ គឺអ្នកស្រីម៉ៅ សំណាង ហៅទន្សាយ បានតស៊ូធ្វើដំណើរវែងឆ្ងាយដោយហត់នឿយណាស់ ព្រោះតែចង់ បានជីវិតគ្រួសារមួយដែលពោរពេញដោយសុភមង្គល។ ប៉ុន្តែគ្រប់យ៉ាងមិនអាចក្លាយជាការពិត ព្រោះស្វាមី និងកូនស្រីជាទីស្រឡាញ់ត្រូវឃ្លាតឆ្ងាយពីខ្លួន។

អ្នកនិពន្ធម៉ៅ សំណាង រំលឹកថា ថ្ងៃមួយស្រាប់តែស្វាមីអ្នកស្រីប្រាប់ថាគាត់បានស្រឡាញ់ស្រីថ្មីហើយថែមទាំងមានកូនប្រុសម្នាក់ទៀតផង ព្រោះតែអ្នកស្រីជាស្រីដែលមានពេលវេលាសម្រាប់តែការងារនិពន្ធ ប៉ុន្តែគ្មានពេលវេលាសម្រាប់គាត់។អ្នកស្រីក៏អត់មានវិធីកែប្រែអ្វីបានក្រៅពីទទួលកំហុស ហើយឈរសម្លឹងមើលគាត់ចាកចេញទៅ។

ម៉ៅ សំណាង៖"ខ្ញុំគិតថាមិនថ្វីទេ ខ្ញុំនៅមានកូនស្រីតែម្នាក់គឺគ្រប់គ្រាន់សម្រាប់ខ្ញុំហើយ។ដោយសារយើងមានតែម្ដាយមួយកូនមួយ ខ្ញុំមិនដែលឱ្យកូនស្រីខ្ញុំឃ្លាតពីខ្ញុំមួយជំហានទេ ខ្ញុំតែងមើលឃើញនាងនៅតែជាក្មេងស្រីអាយុ៣ឆ្នាំដដែល"។

អ្នកស្រី ម៉ៅ សំណាង សម្លឹងមើលកូនស្រីឈ្មោះ ម៉ៅ ចាន់រស្មី គ្រប់ជំហានមិនថាដេកដើរឈរ ឬអង្គុយ។ ស្រាប់តែថ្ងៃមួយរស្មីក៏បានប្រាប់អ្នកស្រីថានាងធំហើយ ហើយនាងត្រូវទៅធ្វើការងារនៅឆ្ងាយពីម៉ាក់ ដោយកូនស្រីសុំរៀនធ្វើជាមនុស្សរឹងមាំឯករាជ្យដូចម៉ាក់ពីក្មេងដូច្នោះដែរ។ ម៉ៅ សំណាង៖"ទីបំផុតខ្ញុំបានត្រឹមតែឈរសម្លឹងមើលនាងចាកចេញទៅធ្វើការឆ្ងាយពីខ្ញុំម្នាក់ទៀត ដោយគ្មានជម្រើសទាល់តែសោះ"។

អ្នកនិពន្ធមាឌតូចស្ដើងដែលចូលវ័យជរាហើយនោះ បានរំលឹកបន្ថែមថា ៤០ឆ្នាំមុនរូបគាត់បានឈរនៅត្រង់នេះតែម្នាក់ឯងក្នុងនាមជានារីវ័យ២២ឆ្នាំ ពោពេញដោយការជឿជាក់ និងមោះមុត តែខណៈនេះអ្នកស្រីឈរនៅត្រង់នេះតែម្នាក់ឯងដដែលក្នុងនាមជាស្ដ្រីចាស់ជរាដែលបានត្រឹមតែឈរសម្លឹងមើលថ្ងៃអស្ដង្គត។ រំលឹកដល់ចំណុចនេះអ្នកស្រីចង់បញ្ជាក់ថា អ្វីគ្រប់យ៉ាងមិនមែនជារបស់យើងទេ គឺវាគង់តែបាត់ទៅវិញគ្រាន់តែយូរ ឬឆាប់ប៉ុណ្ណោះ៕

អត្ថបទ៖ ជិន សុភ័ក្ដ្រ