ស្ងាត់ៗ ម៉ា ច័ន្ទបញ្ញា លបៗ ធ្វើបទចម្រៀងមួយបទឲ្យ មាស សុខសោភា

2021-06-23 04:52:23
ព័ត៌មាន

2021-06-23 04:52:23
ចំនួនមតិ 0 | ចំនួនចែករំលែក 0

ចន្លោះមិនឃើញ

មាស សុខសោភា ដែលបច្ចុប្បន្នបានក្លាយជាតារាចម្រៀងផលិតកម្ម រាម ទើបបានចេញបទចម្រៀងងថ្មីមួយបទ ដែលមិនមែនជាទឹកដៃនិពន្ធរបស់អ្នកនិពន្ធក្នុងផលិត ប៉ុន្តែជាស្នាដៃរបស់តារាចម្រៀង Original ម្នាក់ គឺលោក ម៉ា ច័ន្ទបញ្ញា។

បទចម្រៀងនោះមានចំណងជើងថា "សត្វស្លាប" ដែលទើបបានចេញផ្សាយនៅលើប្រព័ន្ធយូធូបឆាណែលរបស់ផលិតកម្មថ្មីៗនេះ ហើយបើតាមព័ត៌មាន លោក ម៉ា ច័ន្ទបញ្ញា មិនមែនជាតារាចម្រៀងផលិតកម្ម និងក៏មិនមែនជាអ្នកនិពន្ធប្រចាំផលិតកម្មខាងលើនេះដែរ ប៉ុន្តែលោកជា អ្នកនិពន្ធ និងតារាចម្រៀងឯករាជ្យ។

វិលមកបទ "សត្វស្លាប" វិញ បើតាមការបញ្ជាក់របស់លោក ម៉ា ច័ន្ទបញ្ញា ផ្ទាល់ លោកបានឲ្យដឹងថា នេះគឺជាបទចម្រៀងទី១របស់លោក ធ្វើជាពិសេសសម្រាប់ មាស សុខសោភា ក្រោយពេលដែលតារាចម្រៀងស្រីបានមកចូលជាមួយ រាម។ ចំពោះហេតុផល គឺមិនមានអីចម្លែកទេ ពោលគឺលោក និងតារាចម្រៀងស្រី ធ្លាប់ធ្វើការងារជាមួយ មាស សុខសោភា ពីមុនមកដែរ តាមរយៈបទ "ម្ដងទៀត" "សង្សារចាស់" កាលពីពួកគេនៅជាតារាចម្រៀងឯករាជ្យទាំងអស់គ្នា។

ហេតុផលមួយទៀត គឺ បញ្ញា ក៏ជាអ្នកនិពន្ធ Freelancer ធ្វើបទឲ្យផលិតកម្មធំខាងលើដូចគ្នា។ ដូច្នេះហើយ តាមសាមីខ្លួនអ្នកនិពន្ធប្រុស បានអះអាងថា នឹងមានបទចម្រៀងថ្មីៗឲ្យសោភា នាពេលមុខបន្តបន្ទាប់ទៀត។ វិលមកបទ "សត្វស្លាប" វិញ តើ មាស សុខសោភា ត្អួញត្អែរពីរឿងអ្វីខ្លះ ពីសត្វស្លាប ហើយនាងជួបរឿងអ្វី? បន្ថែមពីលើនេះ តើចម្រៀងមួយបទនេះ មានរសជាតិបែបណា? តោះ...ស្ដាប់ទាំងអស់គ្នា៖