- 2021-06-24 04:23:40
- ព័ត៌មាន
មាត់ប្រកែក តែដៃស្រវា! ករុណា ពេជ្រ បង្ហើបពីទំនាក់ទំនងរវាងរូបលោក និងនារីដ៏ស្រស់ស្អាតម្នាក់នៅកំពង់ស្ពឺ
- 2021-06-24 04:23:40
- ចំនួនមតិ 0 | ចំនួនចែករំលែក 0
មាត់ប្រកែក តែដៃស្រវា! ករុណា ពេជ្រ បង្ហើបពីទំនាក់ទំនងរវាងរូបលោក និងនារីដ៏ស្រស់ស្អាតម្នាក់នៅកំពង់ស្ពឺ
ចន្លោះមិនឃើញ
តារាចម្រៀងដែលនៅតែមានឈ្មោះបោះសំឡេងខ្លាំងក្នុងផលិតកម្មថោន គឺលោក ករុណា ពេជ្រ បានបង្កើតមន្ទិលដល់អ្នកគាំទ្ររបស់ខ្លួន និងមិត្តសិល្បៈជាច្រើនក្រោយពីលោកបង្ហាញភាពស្និទ្ធស្នាលជាមួយនារីដ៏ស្រស់ស្អាតម្នាក់ដែលលោកអះអាងថានារីម្នាក់នោះគឺជាក្រមុំខេត្តកំពង់ស្ពឺ។
លោក ករុណា ពេជ្រ បានប្រាប់Sabay នៅព្រឹកថ្ងៃទី២៤ ខែមិថុនា ថា នារីម្នាក់ដែលលោកកាន់ដៃនោះ គឺជានារីដែលលោកស្គាល់ ហើយមានទំនាក់ទំនងគ្នាធម្មតា។ លោកថា បើលោកស្រឡាញ់នារីម្នាក់នេះមែន ក៏មិនទាន់ទៅរួចក្នុងការគិតគូររឿងរៀបការដែរ ព្រោះលោកនៅជាប់ឪពុកត្រូវមើលថែជាចាំបាច់ ហើយក្នុងកាលៈទេសៈនេះក៏មិនអំណោយផលដល់ការរៀបការ ឬធ្វើពិធីផ្សេងៗដែរ។
ករុណ ពេជ្រ៖"អត់ទាន់ច្បាស់ថាគិតគូររឿងរៀបការពេលណាទេបង...ឥឡូវខ្ញុំនៅមានប៉ាមើលថែ បើគិតរឿងហ្នឹងយើងថែមបន្ទុកមើលថែមួយទៀតហើយ។ ខ្ញុំស្គាល់គាត់(នារី)...ពិបាកអីគ្រាន់តែកាន់ដៃគ្នា សម័យឥឡូវគេជិះម៉ូតូឱបគ្នាផងបង...នារីម្នាក់ហ្នឹងត្រូវជាអី? បងចាំតាមដានមើលសិនទៅ"។
ករុណា ពេជ្រ បានបង្ហាញរូបថតស្និទ្ធស្នាលជាមួយនារីម្នាក់នៅស្រុកគងពិសី ខេត្ដកំពង់ស្ពឺ ជាបន្តបន្ទាប់តាមបណ្ដាញសង្គមតាំងថ្ងៃម្សិលមិញ រហូតដល់ថ្ងៃនេះ។ ភ្ជាប់ជាមួយរូបថតស្និទ្ធស្នាលទាំងនោះ លោកបានសរសេរសារភ្ជាប់ថា"យើងអ្នកកំពង់ស្ពឺដូចគ្នា មានតែនាំគ្នាដើរលេងកំពង់ស្ពឺ" និងសារថា"មន្ដស្នេហ៍កំពង់ស្ពឺ"ជាដើម។ បន្ទាប់ពីបង្ហោះសារ និងរូបថតស្និទ្ធស្នាល មានអ្នកគាំទ្រមិនតិចទេចូលសរសេរសារអបអរ និងខ្លះងឿងឆ្ងល់បង្កើតបានជាសំណួរចំៗតែគេសង្កេតឃើញលោកមិនឆ្លើយតបនឹងសំណួរទាំងនោះទេ៕
