- 2021-06-30 02:27:48
- ព័ត៌មាន
ករុណា ពេជ្រ បង្ហើបគម្រោងរៀបការហៅភ្ញៀវយ៉ាងតិច៤០០តុ!
- 2021-06-30 02:27:48
- ចំនួនមតិ 0 | ចំនួនចែករំលែក 0
ករុណា ពេជ្រ បង្ហើបគម្រោងរៀបការហៅភ្ញៀវយ៉ាងតិច៤០០តុ!
ចន្លោះមិនឃើញ
ដោយមិនសំដៅចំឈ្មោះនារីណាម្នាក់ តារាចម្រៀងប្រុសជួរមុខរបស់ផលិតកម្មថោន ករុណា ពេជ្រ ទម្លាយថាតាមពិតរូបលោកត្រូវគិតគូររឿងរៀបការតាំងពី៦ឆ្នាំមុនមកម្ល៉េះ ពោលគឺមុនពេលដែលវិបត្តិកូវីដ-១៩ ប៉ុន្តែដោយលោកប៉ារបស់លោកធ្លាក់ខ្លួនឈឺលោកក៏សម្រេចផ្អាកវាទៅវិញ។
លោក ករុណា ពេជ្រ ដែលទើបបង្ហាញភាពស្និទ្ធស្នាលជាមួយនារីនៅខេត្តកំពង់ស្ពឺម្នាក់ តែលោកអះអាងថាគ្រាន់តែជាអ្នកស្គាល់គ្នាធម្មតានោះ បានប្រាប់Sabay ថា លោកមិនទាន់ជ្រះស្រឡះចិត្តក្នុងការគិតគូររឿងស្នេហាឡើងវិញនៅឡើយទេ ព្រោះលោកត្រូវចំណាយពេលច្រើនលើការមើលថែលោកប៉ា។
ករុណា ពេជ្រ៖"ចាស់ទុំអី...គិតគូររឿងហ្នឹងតាំងពី៥-៦ឆ្នាំមុនណោះ តែដល់ប៉ាគាត់ឈឺទៅក៏ផ្អាក។ គិតមកដល់ពេលបើខ្ញុំការ គឺការជារៀបប្រពៃណីបុរាណខ្មែរទាំងអស់ ហើយភ្ញៀវខ្ញុំនឹងហៅយ៉ាងតិច៤០០តុ តែវាអាចទៅរួចទាល់តែពេលស្ថានភាពជំងឺកូវីដ-១៩ ស្ងប់ស្ងាត់។ម្យ៉ាងចាំអត់ពីប៉ាទៅចាំគិតរឿងហ្នឹងទៀត"។
ក្រៅពីបង្ហាញរូបថតស្និទ្ធស្នាលជាមួយប៉ា និងមិត្តរួមការងារ តារាចម្រៀងមាឌស្ដើង សម្បុរសរូបនេះ កម្រនឹងថតរូបបង្ហាញភាពផ្អែមល្ហែមជាមួយនារីណាណាស់ ប៉ុន្តែថ្មីៗនេះលោកបានធ្វើឲ្យអ្នកគាំទ្រភ្ញាក់ផ្អើល ដោយរូបលោកបានបង្ហាញរូបថតស្និទ្ធស្នាលជាច្រើនសន្លឹក និងបង្ហោះរយៈពេលពីរបីថ្ងៃជាប់ៗគ្នា។ អ្នកគាំទ្រខ្លះ ងឿងឆ្ងល់ថា តើនេះជាគូរសង្សាររបស់ករុណា ពេជ្រ ឬ? តែលោកថានារីដែលលោកកាន់ដៃនោះ គឺគ្រាន់តែជាអ្នកស្គាល់គ្នាប៉ុណ្ណោះ។
បច្ចុប្បន្នលោក ករុណា ពេជ្រ មានវ័យជិត៤០ឆ្នាំហើយ។ ក្រៅពីចំណាយពេលលើការងារសិល្បៈ លោកក៏ចំណាយពេលច្រើនលើការមើលថែលោកប៉ារបស់លោកធ្លាក់ខ្លួនឈឺនៅតែលើរទេះរុញដោយសារជំងឺលើសឈាមដាច់សរសៃឈាមខួរក្បាលជាច្រើនឆ្នាំមកហើយ៕
