- 2021-06-30 02:14:00
- ព័ត៌មាន
Rosé បង្ហាញមុខជាភ្ញៀវដំបូងកម្មវិធី «Sea of Hope» ដាក់ ១បទ កក្រើកហាងកាហ្វេមាត់សមុទ្រ
- 2021-06-30 02:14:00
- ចំនួនមតិ 0 | ចំនួនចែករំលែក 0
Rosé បង្ហាញមុខជាភ្ញៀវដំបូងកម្មវិធី «Sea of Hope» ដាក់ ១បទ កក្រើកហាងកាហ្វេមាត់សមុទ្រ
ចន្លោះមិនឃើញ
កាលពីថ្ងៃទី២៩ ខែមិថុនា កម្មវិធីប្រភេទកម្សាន្ត Reality Show មានឈ្មោះថា «Sea Of Hope» របស់ JTBC បានចាក់ផ្សាយភាគដំបូង ដោយមានសមាជិកជាតារាៗដូចជា Lee Dong Wook, Lee Ji Ah, Kim Go Eun, Yoon Jong Shin, Onew (SHINee) និង Suhyun (AKMU)។ ប៉ុន្តែក៏មានការបង្ហាញខ្លួនជាពិសេសពីភ្ញៀវកិត្តិយសដំបូងប្រចាំកម្មវិធីដែរ នោះគឺ Rosé (BLACKPINK)។
ក្នុងកម្មវិធីនេះ សមាជិកនឹងអញ្ជើញភ្ញៀវមកលម្ហែអារម្មណ៍នៅហាងកាហ្វេ និងបារដែលស្ថិតនៅជាប់មាត់សមុទ្រ ញ៉ាំអាហារឆ្ងាញ់ ដែលបម្រើដោយចុងភៅ Lee Ji Ah, អ្នកចាត់ការខាងភេសជ្ជៈ Lee Dong Wook និងអ្នកទទួលបន្ទុកខាងបង្អែម Onew។ ប៉ុន្តែក្រៅពីញ៉ាំអាហារឆ្ងាញ់ៗ គយគន់ទេសភាពមាត់សមុទ្រ ភ្ញៀវដែលអញ្ជើញមកក៏បានរីករាយនឹងការសម្ដែងជាពិសេសពីក្រុមតន្ត្រីប្រចាំកម្មវិធីរួមមាន Yoon Jong Shin, Suhyun, Onew ជាដើម។
Rosé ដែលជាភ្ញៀវមានមុខដំបូងគេ ក៏បានចូលរួមសម្ដែងជាមួយដែរ ដោយបានលើកយកបទ «Slow Dancing In A Burning Room» របស់ John Mayer មកច្រៀង។ ក្រៅពីនេះតើនៅមានការសម្ដែងអ្វីផ្សេងទៀត? សូមទស្សនាវីដេអូខាងក្រោម៖
