- 2021-07-01 03:20:10
- ព័ត៌មាន
ដល់ពេលថ្នាក់ដឹកនាំ ចេញមកឆ្លើយ រឿង អ៊ុក សុវណ្ណារី ចេញបទច្រើនដូចទឹកបាក់ទំនប់
- 2021-07-01 03:20:10
- ចំនួនមតិ 0 | ចំនួនចែករំលែក 0
ដល់ពេលថ្នាក់ដឹកនាំ ចេញមកឆ្លើយ រឿង អ៊ុក សុវណ្ណារី ចេញបទច្រើនដូចទឹកបាក់ទំនប់
ចន្លោះមិនឃើញ
តារាចម្រៀងតូច អ៊ុក សុវណ្ណារី បានបង្ហាញឲ្យឃើញនូវភាពខុសប្លែក ក្រោយពីថ្មីៗនេះ នាងត្រូវបានផលិតកម្មបញ្ចេញបទចម្រៀងឲ្យច្រើនដូចទឹកបាក់ទំនប់។
ស្ថានភាពនេះ ខុសដាច់ពីពេលមុនដែល Galaxy Navatra រវល់ជាមួយតារារៀមច្បង ព្រាប សុវត្ថិ សីម៉ា និងខេម ច្រើនជាង។ ប៉ុន្តែពេលនេះ គឺជារជ្ជកាលរបស់តារាចម្រៀងតូចហើយ ដោយ១សប្ដាហ៍មុន នាងបានបញ្ចេញបទថ្មីដល់ទៅ ៣បទឯណោះក្នុង១សប្ដាហ៍។ បទទាំងនោះមានដូចជា "មនុស្សស្មោះ ជួបតែមនុស្សក្បត់" "មនុស្សនោះប្ដូរឈាមហើយ" និងបទ "យប់នេះ"។
ចំពោះបញ្ហានេះ ថ្នាក់ដឹកនាំផលិតកម្ម បានទទួលស្គាល់ថា ចុងក្រោយនេះ អ៊ុក សុវណ្ណារី ចេញបទច្រើនមែន ហើយថា នាងក៏នៅមានបទច្រើនទៀតត្រៀមចេញបន្តបន្ទាប់ ក្នុងនោះហេតុផល គឺថាផលិតកម្មចង់ផ្ដល់ឱកាសឲ្យ តារាចម្រៀងតូចឲ្យច្រើនជាងមុន។ លោកថា យឹម តាស្រង់ ជានាយកគ្រប់គ្រង ថ្លែងថា "បាទ...យើងចង់លើកគាត់...!”។
លោកមិនបានសង្កត់ធ្ងន់ទេថា ការនេះដើម្បីប៉ះប៉ូវដល់ សុវណ្ណារី ដែលពីដើមឆ្នាំមានបទចម្រៀងតិច។ ប៉ុន្តែ នាយកគ្រប់គ្រងដដែលបញ្ជាក់បន្ថែមថា តារាចម្រៀងតូចនៅមានបទចម្រៀងច្រើនទៀត ដែលផលិតកម្មបានរៀបចំសម្រាប់នាង ដោយក្នុងនោះមានទាំងជាវីដេអូសំឡេង និងវីដេអូចម្រៀងពេញលេញថែមទៀត។
“ក្នុងហ្នឹង មានបទខ្លះ យើងចំណាយលុយផលិតដល់ ២-៣ពាន់ដុល្លារ សម្រាប់ថត MV ឲ្យគាត់ថែមទៀត!”។ លោក បន្តថា ជាមួយគ្នានេះ ផលិតកម្មក៏មានផែនការ វាយលុកទីផ្សារសារជាថ្មីដែរ ដោយអាចនឹងចាប់ផ្ដើមក្នុងពេលឆាប់ៗខាងមុខនេះ៕
