- 2021-07-02 02:09:45
- ព័ត៌មាន
សាយ ទៅដើរលេងសោះ តែដាក់ការ៉ុងទៅហើយស្រេច ព្រោះដឹងចរិតអ្នកដើរព្រៃយើងមួយចំនួន
- 2021-07-02 02:09:45
- ចំនួនមតិ 0 | ចំនួនចែករំលែក 0
សាយ ទៅដើរលេងសោះ តែដាក់ការ៉ុងទៅហើយស្រេច ព្រោះដឹងចរិតអ្នកដើរព្រៃយើងមួយចំនួន
ចន្លោះមិនឃើញ
កំពង់ស្ពឺ គឺជាខេត្តមួយក្នុងចំណោមខេត្ត/ក្រុងចំនួន២២ ដែលតារាចម្រៀង អ៊ួន បឋម ហៅសាយ រត់ឆ្លងកាត់ក្នុងកម្មវិធី"រត់ដើម្បីសប្បុរសធម៌ជាមួយសាយ"កាលពីឆ្នាំមុន។ តាមរយៈការងារសង្គមមួយនេះ កេរ្តិ៍ឈ្មោះរបស់លោកត្រូវបានគេទទួលស្គាល់ ឬមានអ្នកគាំទ្រច្រើនលើសពីការចាប់អាជីពចម្រៀងជាច្រើនឆ្នាំនោះមកទៀតផង។
សាយ ធ្លាប់សន្យាថារូបលោក និងក្រុមការងារ នឹងវិលត្រឡប់ទៅកាន់ខេត្ដមួយចំនួនដែលលោកធ្លាប់រត់ឆ្លងកាត់ ដើម្បីទស្សនា ឬផ្សព្វផ្សាយតំបន់ដែលមានសក្ដានុពលសេដ្ឋកិច្ច នៃខេត្តនីមួយៗ។ ជាក់ស្ដែងកាលពីថ្ងៃទី៣០ ខែមិថុនា ឆ្នាំ២០២១ លោក សាយ និងក្រុមការងារចំនួន៦នាក់ផ្សេងទៀត បានធ្វើរឿងដែលមហាជនចាប់អារម្មណ៍មួយទៀត។
ក្នុងដំណើរឆ្ពោះទៅកាន់តំបន់ទេសចរណ៍ធម្មជាតិគិរីរម្យ ខេត្តកំពង់ស្ពឺ សាយ បានត្រៀមការ៉ុង និងក្រចាប់សម្រាប់ចាប់សំរាមជាស្រេចដោយលោកដឹងថា មានអ្នកដើរភ្នំ ឬតំបន់ទេសចរណ៍មួយចំនួននៅមានទម្លាប់មិនល្អក្នុងការទុកដាក់សំរាមនៅឡើយ ក្រោយហូបចុក។ រូបលោក និងក្រុមការងារបានចុះប្រមូលសំរាមនៅតំបន់នោះជាច្រើនការ៉ុង ហើយបានយកទៅដាក់កន្លែងញែកសំរាមដែលរៀបចំដោយអាជ្ញាធរនៅឧទ្យានជាតិគិរីរម្យ។
សាយ៖"ពួកយើងមិនអាចរើសសំរាមរហូតទេ តែបើអ្នកទាំងអស់គ្នាចេះវេចខ្ចប់សំរាមត្រឡប់មកវិញនោះ តំបន់ទេសចរណ៍ស្អាតៗនានានៅក្នុងព្រៃ ក៏នឹងមិនមានសំរាមដែរ។ សូមដើរលេងដោយការទទួលខុសត្រូវ! សំរាមមិនគួរឲ្យស្អប់ទេ មនុស្សដែលចោលសំរាមទេដែលគួរឲ្យស្អប់"។
តារាចម្រៀងOriginal Song អ៊ួន បឋម ហៅសាយ និងក្រុមការងាររត់ដើម្បីសប្បុរសធម៌ជាមួយសាយ បានចេញដំណើរទៅកម្សាន្ដតំបន់ដាច់ស្រយ៉ាល និងតំបន់ដែលមានសក្ដានុពលសេដ្ឋកិច្ចមួយចំនួនរួចមកហើយដូចជា៖ កំពត កោះកុង សៀមរាប ហើយលើកនេះបានទៅដល់ខេត្ដកំពង់ស្ពឺ។ ដំណើរកម្សាន្តរបស់ក្រុមលោកតែងតែភ្ជាប់នូវសកម្មភាពមនុស្សធម៌ និងការផ្សព្វផ្សាយអប់រំដល់មហាជន និងអ្នកគាំទ្ររបស់ខ្លួនឲ្យចេះចូលរួមជួយការងារសង្គម៕
