ក្នុងភាគ​ថ្មី​នៃកម្មវិធី “Knowing Brothers” Taecyeon (2PM) បាន​លើក​ឡើងពីរឿងមួយ​ដែល​ខ្លួន និង​សមាជិកពៅ Chansung បាន​ជួប​ប្រទះកាល​ពី​មុនទាំង​កណ្ដាលយប់។

លោក​ចាប់​ផ្ដើម​និយាយថា ពេល​ខ្លួន និង Chansung កំពុងដេក​នៅ​ក្នុង​សណ្ឋាគារមួយនៅសឹង្ហបុរី ក៏​ស្រាប់តែ​មាន​ក្រុម Sasaengs Fan (ក្រុមអ្នកគាំទ្រជ្រុលនិយម) មួយក្រុមទៅ​អុកឡុក​។ Taecyeon ​និយាយ​ថា​ ពេលនោះ​ពួកលោកទាំង ២​កំពុង​ដេក ដោយមិនមាន​ស្លៀកអ្វីទាំងអស់ (តាមទម្លាប់រាល់ដង) ប៉ុន្តែ​ភ្លាមៗក៏ស្រាប់តែឮសំឡេងទ្វារមាន​អ្នកចាក់សោរចូលបាន ដោយជនប្លែកមុខ ទាំងកណ្ដាលយប់។

លោក​បាន​និយាយ​ថា​ ពេល​នោះ​លោកក៏ឮមាន​សំឡេងខ្សឹបខ្សៀវ ដល់ថ្នាក់​លោកឆ្ងល់ថា អាចជា​ខ្មោចទៀតផង។ ប៉ុន្តែ​ពេលដឹង​ថា​ជា​មនុស្ស ទើប​ Taecyeon ចាប់ផ្ដើម​ជេរជា​ភាសាអង់គ្លេសតែម្ដង ដោយដឹង​ថា​អ្នកទាំងនោះ​មិនមែនជា​ជនជាតិ​កូរ៉េទេ។

បន្ថែម​ពី​លើនោះ តារាប្រុស​រូបនេះ​ដឹងទៀតថា ក្រុម Fan ជ្រុលនិយម​ទាំង​នេះមាន​គ្នាខ្ទង់ ៥-៦នាក់ សុទ្ធ​តែ​ជា​ស្រីៗ។ បុគ្គលិកក្នុង​សណ្ឋាគារ​គ្មាន​អ្វី​ក្រៅពីសុំទោសពួកគេទាំង ២ ដោយជូន ស្រា Champagne ១ដបជាការសុំទោស៕