- 2021-07-08 03:43:06
- ព័ត៌មាន
បន្ទាប់ពីក្ដៅគគុករឿង អ៊ិន សុភិន ជាមួយសុខ រ៉ាស៊ី ឥឡូវ សេង រដ្ឋា ធ្លោយមាត់ថាផលិតករ៣នាក់ នាងមិនចង់យកខ្លួនបៀត
- 2021-07-08 03:43:06
- ចំនួនមតិ 0 | ចំនួនចែករំលែក 0
បន្ទាប់ពីក្ដៅគគុករឿង អ៊ិន សុភិន ជាមួយសុខ រ៉ាស៊ី ឥឡូវ សេង រដ្ឋា ធ្លោយមាត់ថាផលិតករ៣នាក់ នាងមិនចង់យកខ្លួនបៀត
ចន្លោះមិនឃើញ
"អស់ស្លូតត្រឹមខ្ញុំហើយ" នេះគឺជាពាក្យរបស់តារាសម្ដែង និងជាអតីតម្ចាស់ជយលាភីលេខ១ ក្នុងកម្មវិធីMiss Grand Cambodia 2020 កញ្ញា សេង រដ្ឋា។ ពាក្យនេះ អាចបង្ហាញពីអត្តចរិតពិតរបស់កញ្ញាមួយដែរ ដោយកន្លងទៅគេនៅចាំបានថាសេង រដ្ឋា មានរឿងអន់ចិត្តជាមួយអ្នករៀបចំកម្មវិធីនេះរហូតដល់បដិសេធមិនទទួលយកតំណែងលេខ១ ហើយសុខចិត្តដើរចេញដោយលាក់កប់យ៉ាងជ្រៅនូវរឿងអន់ចិត្តនោះរហូតដល់សព្វថ្ងៃ។
រឿងរ៉ាវរវាងអគ្គនាយកក្រុមហ៊ុនមហាហង្សលោក អ៊ិន សុភិន និងកញ្ញា សេង រដ្ឋា បានបញ្ចប់ទៅដោយកិច្ចសន្យារួមមួយនៅចំពោះមុខមេធាវី។ ដូច្នេះរឿងរ៉ាវចាស់ៗ ឬរឿងទាក់ទងនឹងលោក អ៊ិន សុភិន កញ្ញាសុំមិននិយាយទាំងអស់បើទោះបីជាមានការជជីកសួរជាច្រើនដងពីអ្នកសារព័ត៌មាន។
ប៉ុន្ដែនៅថ្ងៃទី៨ ខែកក្កដា ឆ្នាំ២០២១ នេះ កញ្ញា សេង រដ្ឋា ប្រាប់Sabay ថា កញ្ញាជាសិល្បការិនី ទើបប្រឡូកចូលក្នុងវិស័យសិល្បៈផ្នែកសម្ដែង និងដើរម៉ូត តែកញ្ញាបានជួបរឿងរ៉ាវច្រើនជាមួយផលិតករ។ កញ្ញាថា ក្រៅពីរឿងចំនួនពីរដែលកំពុងថតឲ្យទូរទស្សន៍PNN កញ្ញាក៏មានផលិតកម្មផ្សេងមកទាក់ទងថតដែរតែកញ្ញាបដិសេធ។
សេង រដ្ឋា៖"ខ្ញុំមិនចង់បញ្ចេញឈ្មោះថាផលិតករណាទេ តែមានផលិតករបីនាក់ដែលធ្លាប់ហៅខ្ញុំទៅថត ហើយរហូតមកដល់ឥឡូវមិនទាន់បើកលុយឲ្យផង។ តាំងពីហ្នឹងមក...ខ្ញុំដាក់Rule ខ្លួនឯងហ្មង! ថាមុនទទួលថតត្រូវមើលផលិតកម្ម និងមើលពេលវេលាខ្លួនឯងដែរ"។
មហាជន ជាពិសេសអ្នកគាំទ្រកញ្ញា សេង រដ្ឋា មានការងឿងឆ្ងល់ចំពោះការបញ្ចេញសារមួយនៅលើបណ្ដាញសង្គមInstagram ថា"អស់ស្លូតត្រឹមខ្ញុំហើយ"។ សារនេះបានចេញក្រោយលោក អ៊ិន សុភិន ផ្ទុះរឿងជំពាក់លុយពិធីករ សុខ រ៉ាស៊ី ជិត២ម៉ឺនដុល្លារ ថ្លៃរៀបចំឆាកកម្មវិធីប្រកួតMiss Grand Cambodia 2020 មិនព្រមសង ហើយត្រូវលោក សុខ រ៉ាស៊ី លាតត្រដាង រហូតដល់ការព្រមានប្ដឹងចាប់អគ្គនាយកក្រុមហ៊ុនមហាហង្សរូបនេះ ដាក់គុកទៀតផងនោះ៕
