
- ព្រហស្បតិ៍, 15 កក្កដា 2021 00:20
- ព័ត៌មាន
ម្ចាស់ខ្លួនមិនមាត់ៗ តែតាមការបញ្ជាក់ផ្អើលកូរ៉េ Bang Sihyuk បច្ចុប្បន្នស្ពាយនាមជាសេដ្ឋីទ្រព្យវាល់លានដុល្លារ
- ព្រហស្បតិ៍, 15 កក្កដា 2021 00:20
- ចំនួនមតិ 0 | ចំនួនចែករំលែក 0
ម្ចាស់ខ្លួនមិនមាត់ៗ តែតាមការបញ្ជាក់ផ្អើលកូរ៉េ Bang Sihyuk បច្ចុប្បន្នស្ពាយនាមជាសេដ្ឋីទ្រព្យវាល់លានដុល្លារ
កាលពីថ្ងៃទី១៣ ខែកក្កដា បណ្ដាញផ្សព្វផ្សាយ Bloomberg បានបង្ហាញរបាយការណ៍មកថា លោក Bang Sihyuk ស្ថាបនិកផលិតកម្ម Big Hit និងក្រុមហ៊ុន HYBE បច្ចុប្បន្នកាន់កាប់ទ្រព្យសរុបទាំងអស់លើសពី ៣,៧ ទ្រីលានវ៉ុន (ខ្ទង់ ៣,២ពាន់លានដុល្លារ) ទៅទៀត។
មានការឲ្យដឹងដែរថាទ្រព្យសម្បត្តិរបស់ Bang Sihyuk បានកើនឡើងទ្វេដងចាប់តាំងពីខែតុលា ឆ្នាំមុន នៅពេលដែល Big Hit Entertainment បានបើក IPO របស់ខ្លួន ហើយចុះបញ្ជីលើ KOSPI របស់ទីផ្សារហ៊ុនកូរ៉េ។ តម្លៃភាគហ៊ុនរបស់ក្រុមហ៊ុនបានកើនឡើងប្រមាណ ១៣០ភាគរយ ក្នុងរយៈពេល ៩ ខែកន្លងមកនេះ។ ត្រឡប់ទៅពេលនោះ ភាគហ៊ុនរបស់លោក Bang Sihyuk ក៏មានតម្លៃ ១,៧ ទ្រីលានវ៉ុន (ប្រមាណ ១,៥ ពាន់លានដុល្លារ) ។
ដូចដែលជ្រាបស្រាប់ហើយថា Big Hit Music និងក្រុមហ៊ុន HYBE កាន់តែធំឡើងៗ ពីមួយថ្ងៃទៅមួយថ្ងៃ ដោយសារការអភិវឌ្ឍ ពង្រីកសក្ដានុពល និងការផ្សព្វផ្សាយកាន់តែសកម្មរបស់តារាៗ។ មិនត្រឹមតែនៅក្នុងប្រទេសកូរ៉េខាងត្បូងទេ ប៉ុន្តែពួកគេក៏បានពង្រីកមុខមាត់ទៅកាន់ឆាកអន្តរជាតិ ដូចជាអាមេរិក និងជប៉ុន ក៏ដូចជាប្រទេសដទៃទៀតផងដែរ៕
ប្រភព៖ kstarlive ប្រែសម្រួល៖ យី សុធារី