- 2021-07-21 08:44:06
- ព័ត៌មាន
ទើបថតរឿងទី២ បាន១០% សេង រដ្ឋា រត់ស្ទើរធ្លាក់ហឺយ ហើយនាងថាកំពុងស្វែងយល់ពីរៀមច្បង ខាត់ វ៉ៃហាំង
- 2021-07-21 08:44:06
- ចំនួនមតិ 0 | ចំនួនចែករំលែក 0
ទើបថតរឿងទី២ បាន១០% សេង រដ្ឋា រត់ស្ទើរធ្លាក់ហឺយ ហើយនាងថាកំពុងស្វែងយល់ពីរៀមច្បង ខាត់ វ៉ៃហាំង
ចន្លោះមិនឃើញ
បន្ទាប់ពីកសាងកេរ្តិ៍ឈ្មោះយ៉ាងសម្បើមលើឆាកប្រកួតបវរកញ្ញាឆ្នាំ២០២០ និងការងារដើរម៉ូតជាហូរហែ កញ្ញា សេង រដ្ឋា រវល់នឹងការងារសិល្បៈរកតែពេលហូបបាយស្ទើរមិនបាន។ ត្បិតថាក្រៅពីការងារដើរម៉ូត សេង រដ្ឋា ទើបតែចាប់បានឱកាសសម្ដែងខ្សែភាពយន្តភាគទី២របស់ខ្លួន តែនាងហាក់ហត់នឿយណាស់ ព្រោះតែនាងត្រូវរៀនសូត្រច្រើនពីការងារ។
កញ្ញា សេង រដ្ឋា ប្រាប់Sabay ថា នៅអំឡុងពេលដ៏មមាញឹកនេះ នាងក៏ទទួលបានការទាក់ទងពីក្រុមហ៊ុនផលិតស្ពតពាណិជ្ជកម្ម និងផលិតកម្មខ្លះដែរ ប៉ុន្ដែនាងបដិសេធមិនហ៊ានទទួលដោយខ្លាចរត់មិនរួច។ ជាក់ស្ដែងសម្រាប់រឿង"ស្នេហ៍ឥតព្រាង" ទើបតែថតបានប្រហែល១០% នាងត្រូវរៀនសូត្រច្រើនពីតិចនិក នៃការសម្ដែងពីដៃគូសម្ដែងប្រុស គឺខាត់ វ៉ៃហាំង និងសិល្បករ-សិល្បការិនីរៀមច្បងជាច្រើននាក់ទៀត ដើម្បីមានភាពរលូនក្នុងការសម្ដែង។
សេង រដ្ឋា៖"អត់សូវមានទំនេរនៅផ្ទះទេ ខ្ញុំចេញថតបាត់! ហើយរឿងទី២ហ្នឹង...ខ្ញុំត្រូវស្វែងយល់ពីសិល្បកររៀមច្បងច្រើនណាស់ ព្រោះខ្ញុំត្រូវជួបសម្ដែងជាមួយតួដូចជាបងវ៉ៃហាំង ហើយនៅក្នុងរឿងហ្នឹងខ្ញុំជាតួអង្គសំខាន់មួយគូក្នុងចំណោមតួអង្គពីរគូរនៅក្នុងសាច់រឿងទាំងមូល"។
បើតាមតារាស្រីរាងតូចច្រឡឹង សេង រដ្ឋា រឿង"បាបស្នេហ៍អតីត"ដែលនឹងត្រូវចាក់បញ្ចាំងនៅលើកញ្ចក់ទូរទស្សន៍PNNថតសម្រេចបានជាង៧០%ហើយ។ ក្នុងរឿងទី១នេះកញ្ញា ក្ដាប់បានតំណែងជាតួអង្គឯកស្រី ហើយរឿងទី២ នាងក្ដាប់បានជាតួអង្គសំខាន់ម្នាក់។ គិតចាប់ពីការបោះបង់តំណែងជាម្ចាស់ជយលាភីលេខ១ ក្នុងកម្មវិធីប្រកួតMiss grand Cambodia ឆ្នាំ២០២០ កញ្ញា សេង រដ្ឋា ទទួលបានការចាប់អារម្មណ៍យ៉ាងច្រើនពីមហាជន ហើយមានផលិតករជាច្រើនបានទាក់ទងនឹងទៅថតជាហូរហែ៕
