- 2021-07-23 05:40:41
- ព័ត៌មាន
ការពិតពី Xu Kai ក្មេងជំនាន់ ១៩៩៥ ដែលកំពុងឆក់បេះដូង Fan ឥតប្រណីដៃបច្ចុប្បន្ន
- 2021-07-23 05:40:41
- ចំនួនមតិ 0 | ចំនួនចែករំលែក 0
ការពិតពី Xu Kai ក្មេងជំនាន់ ១៩៩៥ ដែលកំពុងឆក់បេះដូង Fan ឥតប្រណីដៃបច្ចុប្បន្ន
ចន្លោះមិនឃើញ
Xu Kai ជាតារាប្រុសចិនដែលបានប្រឡូកចូលវិស័យសិល្បៈផ្លូវការពេញមុខមាត់នៅឆ្នាំ ២០១៦ និងបានបណ្ដែតខ្លួន ពឹងលើសមត្ថភាពផ្ទាល់ តស៊ូរហូតទទួលបានជោគជ័យបន្តបន្ទាប់នៅពេលនេះ។
មានរឿងអ្វីខ្លះទៅ ដែលអ្នកគួរដឹងពី Xu Kai?
១. លោកកើតនៅថ្ងៃទី ០៥ ខែមីនា ឆ្នាំ១៩៩៥ (តារានិករគឺ Pisces) នៅខេត្ត Guangdong ប្រទេសចិន។
២. តាមពិតឈ្មោះពិតរបស់ Xu Kai មិនមែន SOSO ទេ ប៉ុន្តែចៃដន្យដោយសារ ពេលលោកបង្កើតគណនីបណ្ដាញសង្គម ហើយបរាជ័យក្នុងការដាក់ឈ្មោះពិត ដោយសារឈ្មោះលោកមានគេប្រើបាត់ទៅហើយ ដូចនេះទើបលោករាយរកឈ្មោះផ្សេង។ ចុចចុះឡើងដល់ឈ្មោះ SOSO លោកក៏សម្រេចយកសិន ហើយគិតថានឹងប្ដូរនៅពេលក្រោយ។ ប៉ុន្តែដើម្បីប្ដូរឈ្មោះថ្មី លោកត្រូវរង់ចាំយូរតទៀត ហើយនឹកឃើញថាខ្ជិល ក៏សម្រេចប្រើឈ្មោះ SOSO នេះតែម្ដងទៅ។
៣. គួរឲ្យស្ដាយ Xu Kai មិនបានរៀនបានយូរឆ្នាំទេ មានន័យថាចូលសាកលវិទ្យាល័យបានតែឆ្នាំដំបូងៗ លោកក៏សម្រេចបោះបង់ការសិក្សាចោល និងចាប់យកការងារជាតារាម៉ូដែល ដោយសារជីវភាពគ្រួសារមិនអំណោយផលពេលនោះ។
៤. ចំណូលចិត្តផ្នែកអាហារ៖ ចូលចិត្ត Burgers, ម្ហូបហឹរ, សាច់គោ, ម្ហូបរបស់ Hunan, ឆាសាច់ ពងទាក្រឡុកជាមួយម្ទេស។
៥. អ្វីដែល Xu Kai មិនចូលចិត្តគឺ អាហារណាខ្លាញ់ៗ ត្រី និងគ្រឿងសមុទ្រ។
៦. ចំណូលចិត្តផ្នែកកីឡាគឺ បាល់បោះ ហើយលោកមានអារម្មណ៍ថា Zhang Zhehan ជាដៃគូដ៏ល្អ ពេលលេងបាល់បោះជាមួយគ្នា។
៧. ពេលទំនេរ Xu Kai ចូលចិត្តមើលកុននៅផ្ទះ និងចេញក្រៅជិះកង់ដើរលេង។
៨. លោកមិនសូវជាពូកែខាងច្រៀងទេ! កាន់តែភ្ញាក់ផ្អើលលោកថា ខ្លួនក៏មិនសូវប្រសប់លេងហ្គេមទេ (លេងដែរ គ្រាន់មិនចំណាប់ខ្លាំងដូចអ្នកជំនាញ)។
៩. លោកបានទិញផ្ទះមួយខ្នងជូនឪពុកម្ដាយក្នុងក្រុង Shenzhen ពេលពេញវ័យ និងមានលទ្ធភាពគ្រប់គ្រាន់។
១០. នារីក្នុងក្ដីស្រមៃគឺ អ្នកណាដែលមានចរិតស្លូតបូត ចិត្តល្អ សុភាព ចរិយាមមាយាទល្អ រួសរាយស្រស់ស្រាយ មានការគិតវិជ្ជមាន និងចូលចិត្តកីឡា៕
