ដឹងរឿងពិតមួយទៀត កាលជាង២០ឆ្នាំមុន ខាន់ ជេមស៌ ជីវិតផ្ញើលើផ្ទៃទឹកដ៏ធំល្វឹងល្វើយ!!

2021-07-23 08:00:30
ជីវិតតារា

2021-07-23 08:00:30
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រប់គ្នាកម្របានដឹងពីជីវិតពិតរបស់ តារាចម្រៀងដ៏ល្បី លោក ខាន់ ជេមស៌ណាស់ ថា ពីមុនលោកមានស្ថានភាពបែបណានោះនោះទេ ទើបថ្ងៃនេះលោកបានចេញមកបង្ហាញចំណាប់អាម្មណ៏នៅលើបណ្តាញសង្គមហ្វេសប៊ុក ដោយបង្ហាញពីមោទកភាពចំពោះខ្លួនឯង ដែលវីវត្តខ្លួនបានយ៉ាងជោគជ័យទាំងជាតារាល្បីនិងជាសហគ្រិនទៀតផង។

នេះជាការបើកបង្ហាញជាថ្មីទៀត បន្ទាប់ពីលោកបានលាតត្រដាងស្ថានភាពគ្រួសារ ដែលលោកមានកូន៤ តាំងពីមុនចូលសិល្បៈ កាលពីប៉ុន្មានថ្ងៃមុន។ ឥឡូវថ្ងៃនេះបានមករៀបរាប់បន្ថែមពីជិវិតតស៊ូរបស់លោកកាលពីជាង២៣ឆ្នាំមុន។ កាលពីជាង ២០ឆ្នាំមុននោះ គឺលោកចាប់ផ្ដើមជីវិតជាកម្មករដើរតាមទូកប៉ុណ្ណោះ។

«ឆ្នាំ ១៩៩៨ ជាកម្មករចុះទូកនៅប្រទេសថៃ ឆ្នាំ ២០០២ ជាអ្នកចំរៀងប្រចាំនៅបៀរហ្គាឌិនឆ្នាំ ២០០៧ មានវាសនាបានក្លាយជាតារាចំរៀងល្បី ឆ្នាំ២០២១ ជាតារាចំរៀងផងជាសហក្រិនផង ខ្ញុំពិតជាមានមោទនភាពចំពោះខ្លួនឯងណាស់»។ ជេមស៍ ថ្លែង។

នៅពេលថ្លែងបែបនេះ ទើបគេដឹងថា វីដេអូសាច់រឿងមួយរបស់ ខាន់ ជេមស៍ កាលពីឆ្នាំ ២០២០ មានចំណងជើងថា "កុំក្រយូរពេក" តាមពិតជាសាច់រឿងស្ដីពីការតស៊ូពិតប្រាកដរបស់លោកសោះ។

លោក ខាន់ ជេមស៌ បានបន្ថែមទៀតថា មិនថាពីមុនយើងជាអ្វី សូមឲ្យយើងមានក្តីស្រមៃអោយធំ នឹងមានការខិតខំប្រឹងប្រែងតស៊ូយ៉ាងពិតប្រាកដថ្ងៃណាមួយយើងនឹងជោគជ័យ ជាក់ជាមិនខាន ស៊ូៗ៕