- 2021-07-27 03:35:49
- ព័ត៌មាន
លេចមុខស្ត្រីម្នាក់ សួរចំៗទៅកាន់ ស៊ុន ស្រីពេជ្រ ខណៈតារារូបនេះធ្វើបទចម្រៀងឲ្យគេមិនទាន់
- 2021-07-27 03:35:49
- ចំនួនមតិ 0 | ចំនួនចែករំលែក 0
លេចមុខស្ត្រីម្នាក់ សួរចំៗទៅកាន់ ស៊ុន ស្រីពេជ្រ ខណៈតារារូបនេះធ្វើបទចម្រៀងឲ្យគេមិនទាន់
ចន្លោះមិនឃើញ
នៅពេលដែលប្រិយមិត្តបានឮ ឬស្ដាប់បទ"អនុស្សាវរីយ៍តាតៃ" ដែលរៀបចំ និងនិពន្ធដោយក្រសួងទេសចរណ៍ ប្រាកដណាស់ថានឹងនឹកឃើញដល់ម្ចាស់សំនៀងដ៏ស្រទន់ និងក្រអួនក្រអៅ គឺអ្នកនាង ស៊ុន ស្រីពេជ្រ។ ក្រៅពីបើកហាងលក់បាយនៅស្រុកកំណើតនាខេត្តបាត់ដំបង បច្ចុប្បន្នស៊ុន ស្រីពេជ្រ ក៏មានទីផ្សារសិល្បៈខ្លាំងណាស់ដែរតាមរយៈផលិតបទចម្រៀងទេសចរណ៍។
ម្សិលមិញតារាចម្រៀងស្រីវ័យជ្រេ ធ្មេញច្រពើសរូបនេះ បានចូលស្ទូឌីយោដើម្បីថតបទថ្មី ដោយនាងបង្ហើបថាបទដែលកំពុងថតនោះ គឺជាបទចម្រៀងច្រៀងរៀបរាប់ពីតំបន់ទេសចរណ៍មួយ ប៉ុន្តែនាងមិនបានប្រាប់ពីចំណងជើង ហើយម្ចាស់បទជានណានោះទេ។ ទន្ទឹមគ្នានេះ ក៏លេចមុខអតិថិជនម្នាក់ដែលធ្លាប់និយាយគ្នាពីការផលិតបទចម្រៀងច្រៀងរៀបរាប់ពីតំបន់ទេសចរណ៍មួយផ្សេងទៀត ប៉ុន្តែនាងត្រូវពន្យារពេលទៅខែក្រោយវិញ ដោយនាងជាប់រវល់ពេក។
តាមរយៈសារមួយដែលបានបង្ហោះដោយតារាចម្រៀង ស៊ុន ស្រីពេជ្រ តាមបណ្ដាញសង្គមFacebookចេញពីស្ទូឌីយោថតសំឡេងមួយកាលពីថ្ងៃទី២៦ ខែកក្កដា មានម្ចាស់គណនីFacebookឈ្មោះ"Nita Yong" បានសួររកបទចម្រៀងរបស់ខ្លួនដោយផ្ដើមសំណួរថា៖"ចុះបទអូនថតពេលណាបង?"។ ស៊ុន ស្រីពេជ្រ ក៏ឆ្លើយតបវិញភ្លាមថា៖"បទនេះថតឲ្យគេទេអូន...បទយើងចាំខែក្រោយ"។ រីឯម្ចាស់បទក៏ឆ្លើយវិញថា៖"ចា៎បង ប្អូនទន្ទឹងចាំស្ដាប់សំឡេងបងទៀតហើយ"។
តារាចម្រៀង ស៊ុន ស្រីពេជ្រ ត្រូវបានអ្នកគាំទ្រខ្លះដាក់រហស្សនាមថា"តារាចម្រៀងទេសចរណ៍" ហើយការផ្ដល់រហស្សនាមនេះ ហាក់ត្រូវទៅនឹងស្ថានភាពសិល្បៈរបស់នាងណាស់ ព្រោះគេកម្រឃើញនាងឡើងឆាកប្រគំតន្ត្រីតាមខេត្ត ឬឆាកប្រគំតន្ត្រីតាមស្ថានីយទូរទស្សន៍នានាណាស់ ដើម្បីច្រៀងណាស់បើគ្មានការរៀបចំការប្រគំតន្ត្រីដោយស្ថាប័នរដ្ឋ និងមានម្ចាស់ឧបត្ថម្ភតម្រូវឲ្យនាងចូលច្រៀងរៀបរាប់ពីតំបន់ទេសចរណ៍ណាមួយនោះ៕
