- 2021-07-30 02:18:02
- ព័ត៌មាន
អាចនឹងធ្ងន់កសម្រាប់ អ៊ិន សុភិន! ពេលនេះ សុខ រ៉ាស៊ី ប្រកាសប្ដឹងទាសំណងជំងឺចិត្ដខ្ទង់ម៉ឺនដុល្លារ
- 2021-07-30 02:18:02
- ចំនួនមតិ 0 | ចំនួនចែករំលែក 0
អាចនឹងធ្ងន់កសម្រាប់ អ៊ិន សុភិន! ពេលនេះ សុខ រ៉ាស៊ី ប្រកាសប្ដឹងទាសំណងជំងឺចិត្ដខ្ទង់ម៉ឺនដុល្លារ
ចន្លោះមិនឃើញ
រយៈពេល៣ថ្ងៃជាប់ៗគ្នា នាចុងខែកក្កដា ឆ្នាំ២០២១ នេះ ជម្លោះពាក្យសម្ដីរវាងអគ្គនាយកក្រុមហ៊ុនមហាហង្សលោក អ៊ិន សុភិន ជាមួយពិធីករសុខ រ៉ាស៊ី បានកម្រើកឡើងវិញ បន្ទាប់ពីភាគីម្ខាងមិនពេញចិត្តនឹងជំនួបទល់មុខគ្នា អមដោយការសម្របសម្រួលរបស់សមត្ថកិច្ច នៃស្នងការដ្ឋាននគរបាលរាជធានីភ្នំពេញ ហើយបានលាតត្រដាងរឿងនេះជាសាធារណៈ។
លោក សុខ រ៉ាស៊ី ប្រាប់Sabay ថា ការរៀបចំឆាក និងភ្លើងសម្រាប់ដំណើរការកម្មវិធីចំនួនពីររួចមកហើយដែលលោក អ៊ិន សុភិន ធ្វើបាបលោកដែលសូម្បីតែលុយកក់១រៀលក៏មិនទាន់បានផង ហើយលោកត្រូវបង្ខំចិត្តលក់ និងបញ្ចាំទ្រព្យរបស់ផ្ទាល់ខ្លួនជាច្រើនដូចជាឡាន ផ្ទះ និងរបស់មានតម្លៃផ្សេងទៀតដើម្បីបើកលុយឲ្យបុគ្គលិក និងកម្មករទាន់ពេល។
សុខ រ៉ាស៊ី៖"ដូចខ្ញុំប្រាប់បងឯងពីដើមមកអីចឹង! ខ្ញុំអត់ខុសទៅដល់ណាក៏ខ្ញុំអត់ខ្លាចដែរ ហើយបើទៅដល់តុលាការ ខ្ញុំនឹងប្ដឹងទាមទារសំណងជំងឺចិត្តខ្ញុំ២ម៉ឺនដុល្លារទៀត ព្រោះខ្ញុំខូចខាតច្រើនណាស់ត្រូវលក់អីខ្ទេចខ្ទីដើម្បីបើកលុយឲ្យកម្មករមិនឲ្យខូចឈ្មោះខ្ញុំទេ តែគាត់ធ្វើបាបខ្ញុំអីចឹងខ្ញុំត្រូវតែទាមទារហើយ"។
លោក សុខ រ៉ាស៊ី ថាលោករង់ចាំមើលនីតិវិធីបន្ទាប់របស់សមត្ថកិច្ច នៃស្នងការដ្ឋាននគរបាលរាជធានីភ្នំពេញ ហើយបើនៅតែពុំមានដំណោះស្រាយសមស្របលោកនឹងឲ្យគេដាក់ពាក្យបណ្ដឹងចូលតុលាការតែម្ដង។ លោកឆ្លៀតព្រលយពាក្យថា លោក អ៊ិន សុភិន ធ្វើបាបលោកច្រើនពេកហើយ ហើយបច្ចុប្បន្នលោក អ៊ិន សុភិន កំពុងរកលេសផ្សេងៗដើម្បីដោះបន្ទុក តែលោកអះអាងថានៅពេលឡើងដល់តុលាការលោកនៅតែមានភស្តុតាងដាក់បន្ទុករឹងមាំដដែល។
បញ្ជាក់ម្ដងហើយម្ដងទៀតលោក អ៊ិន សុភិន ថាលោកពុំមានចេតនាអូសបន្លាយរឿងនេះទេ ប៉ុន្ដែបើសុខ រ៉ាស៊ី នៅតែរឹងរូសមិនទទួលយកលក្ខខណ្ឌ នៃការសម្របសម្រួលកន្លងទៅគឺលោកទុកឲ្យច្បាប់អ្នកវែកញែករកខុសត្រូវចុះ។ លោកនិយាយបែបពុំមានការព្រួយបារម្ភអ្វីសោះថា៖"ខ្ញុំមិនចង់តបតអ្វីទៀត...ទុកទៅតុលាការចុះ ខ្ញុំនឹងបញ្ចប់រឿងឲ្យល្អមើល"៕
