• 2021-08-05 06:35:35
  • ព័ត៌មាន

ពេល​ Post រូបផ្សាយពាណិជ្ជកម្មម្ដងៗលើ IG Song Hye Kyo អាចរកបានជិត ៥សែនដុល្លារ

  • 2021-08-05 06:35:35
  • ចំនួនមតិ 0 | ចំនួនចែករំលែក 0

ចន្លោះមិនឃើញ

នៅ​ក្នុង​កម្មវិធី «TMI NEWS» របស់ Mnet ដែល​ផ្សាយ​កាល​ពី​ថ្ងៃទី០៤​ ខែសីហា​ បាន​ឲ្យដឹង​ថា​​ការប៉ាន់ស្មានតម្លៃ​ផ្សាយ ថតម៉ូដែលពាណិជ្ជកម្មរបស់ Song Hye Kyo គឺ​ខ្ទង់ ៩០០លានវ៉ុន (ខ្ទង់ ៧៨៨ ១៨៧ដុល្លារ) កាលពីឆ្នាំ ២០១៩។

ឆ្នាំ​នេះ ការប៉ាន់ស្មានចំពោះ​ការ​ផ្សាយពាណិជ្ជកម្មដែល Song Hye Kyo ថត​ និងប្រើនោះ​មាន​តម្លៃ​ខ្លួន​ប្រមាណ ៣,៦ពាន់លានវ៉ុន (ខ្ទង់ ៣ ១៥២ ៥៨៥ដុល្លារ)។

ឥទ្ធិពល Song Hye Kyo ក្នុងវិស័យស្ប៉តពាណិជ្ជកម្ម ត្រូវ​បាន​បង្ហាញ​ឲ្យឃើញជា​ញឹកញាប់។ ផលិត BB Cream ដែលមានតារា​ស្រីរូបនេះថត មាន​សេចក្ដីរាយការណ៍ថា​លក់ដាច់ដល់ទៅ ១លាន ឯណោះ ស្របពេលក្រែមលាបមាត់នាង​ប្រើវិញ លក់ដាច់អស់លើសពី ១៦០ ០០០បំពង់ ទៅទៀតក្នុង​ ១ខែ។

បន្ថែម​ពីលើនេះ ក៏មាន​ការ​ឲ្យដឹង​តាម​រយៈ TMI NEWS ថា​ យីហោ Fashion ល្បីៗលំដាប់សកលលោក បាន​វិភាគថា​ ការបង្ហោះរូបទាក់ទង​នឹង​ស្ប៉តផលិតផលអ្វីមួយរបស់ Song Hye Kyo លើ Instagram របស់នាង អាច​នាំ​នាង​ទទួល​បាន​តម្លៃខ្លួន ៤ ៧៧ ៩០០ដុល្លារ ឯណោះត្រឹម​ ១ Post៕

ប្រភព៖ Allkpop ប្រែ​សម្រួល៖ យី សុធារី

មតិយោបល់