- 2021-08-17 02:41:59
- ព័ត៌មាន
ឃាត់ខ្លួន Kris Wu បាន ២សប្ដាហ៍ ប៉ូលីសសម្រេចចេញដីកាចាប់ខ្លួនជាផ្លូវការ ក្រោយស៊ើបច្បាស់
- 2021-08-17 02:41:59
- ចំនួនមតិ 0 | ចំនួនចែករំលែក 0
ឃាត់ខ្លួន Kris Wu បាន ២សប្ដាហ៍ ប៉ូលីសសម្រេចចេញដីកាចាប់ខ្លួនជាផ្លូវការ ក្រោយស៊ើបច្បាស់
ចន្លោះមិនឃើញ
តារាចម្រៀង និងសម្ដែងចិន Kris Wu ត្រូវបានប៉ូលីសប៉េកាំងសម្រេចចាប់ខ្លួនហើយ នៅថ្ងៃទី ១៦ ខែសីហា ឆ្នាំ២០២១ ពីបទរំលោភសេពសន្ថវៈទៅលើនារីជាច្រើននាក់។ នេះបើតាមការចេញផ្សាយរបស់បណ្ដាញសារព័ត៌មានជាច្រើនក្នុងប្រទេសចិនបានបង្ហាញ។
ក្រោយឃាត់ខ្លួនសួរចម្លើយអស់រយៈពេល ២សប្ដាហ៍ មក ការិយាល័យស៊ើបអង្កេតស្រុក Chaoyang ក៏បានចេញសេចក្ដីប្រកាសនៅថ្ងៃទី ១៦ ខែសីហាឆ្នាំ ២០២១ ដោយអនុញ្ញាតឲ្យចាប់ខ្លួន Kris Wu ជាផ្លូវការ ពីបទរំលោភបំពានផ្លូវភេទ និងគំរាមកំហែងជាដើម។
រម្លឹកទៅកាលពីដើមឆ្នាំនេះ Kris Wu ត្រូវអ្នកលេងអ៊ីនធើណិតម្នាក់ឈ្មោះ Du Meizhu ចោទថាបានហៅនារីៗដែលជាជនរងគ្រោះជាច្រើនមកសម្ភាសនៅផ្ទះរបស់លោក ហើយក្រោយមកក៏បង្ខំពួកគេឲ្យរួមភេទជាមួយ។ រឿងនេះបានបង្កជាការភ្ញាក់ផ្អើល និងចលាចលខ្លាំងពេញពិភពសិល្បៈ រហូតដើមខែសីហា ទើបក្រុមការងារមានសមត្ថកិច្ចឈានដល់ការដែលត្រឹមឃាត់ខ្លួន Kris Wu និងចុងបញ្ចប់ចូលដល់ចាប់ខ្លួនយកតែម្ដង។
ដំណឹងនេះពិតជាបានបង្កជាការភ្ញាក់ផ្អើលជាថ្មីទាំងយប់ សម្រាប់អ្នកគាំទ្ររបស់តារាប្រុសរូបនេះ ក៏ដូចជាមហាជនទាំងអស់ ខ្លះសម្ដែងការសោកស្ដាយនឹងទង្វើ Kris ស្របពេលខ្លះនៅតែចង់ដឹងរឿងបន្ទាប់ ថានឹងមានអ្វីទៀតចេញផ្សាយ៕
