- 2021-08-18 03:12:56
- ព័ត៌មាន
ច្បាស់ចែស! ដេននី ក្វាន់ ទទួលស្គាល់ល្អហួសជាកូនបង្កើត ហើយថែមទាំងបង្ហាញសាវតារស្វាមីទៀត
- 2021-08-18 03:12:56
- ចំនួនមតិ 0 | ចំនួនចែករំលែក 0
ច្បាស់ចែស! ដេននី ក្វាន់ ទទួលស្គាល់ល្អហួសជាកូនបង្កើត ហើយថែមទាំងបង្ហាញសាវតារស្វាមីទៀត
ចន្លោះមិនឃើញ
តារាម៉ូដែល និងសម្ដែងដ៏សិចស៊ី ដេននី ក្វាន់ បានបង្កើតចម្ងល់ដល់ប្រិយមិត្ត ជាពិសេសអ្នកគាំទ្ររបស់ខ្លួនពីរបីថ្ងៃជាប់ៗគ្នាតាមរយៈការបញ្ចេញសារ និងរូបភាពជាច្រើនសន្លឹកជាមួយកុមារីល្អហួសដែលនាងចង់បង្ហាញថា ល្អហួស គឺជាកូនបង្កើតរបស់នាង។ ការណ៍នេះ បានធ្វើឲ្យអ្នកខ្លះជឿ និងខ្លះទៀតមិនជឿទាល់តែសោះ។
អ្វីដែលគេមិនជឿនោះ គឺត្រង់ថាតាំងពីដើមមកគេមិនដែលឮថា ដេននី ក្វាន់ បានរៀបការ ឬមានស្វាមីម្ដងណាឡើយ ហើយកុមារីល្អហួស ចម្រើនវ័យ១៣ឆ្នាំទៅហើយទៀតនោះ គេឯងក៏ទើបតែបានឮដំណឹងល្ហិចល្ហៀងថា ល្អហួស គឺជាកូនបង្កើតរបស់នាង។
ដើម្បីជម្រះមន្ទិលរបស់មហាជន Sabay បានព្យាយាមទាក់ទងសុំការបញ្ជាក់ពីអ្នកនាង ដេននី ក្វាន់ ហើយនាងក៏យល់ព្រមចេញមុខបញ្ជាក់រឿងនេះនៅព្រឹកថ្ងៃទី១៨ ខែសីហា ថា ល្អហួស ពិតជាកូនបង្កើតរបស់នាងមែន ប៉ុន្តែនាងបានព្យាយាមលាក់រឿងមានកូន និងស្វាមីដោយសារតែកាលណោះនាងនៅបន្តអាជីពសិល្បៈនៅឡើយ។
ដេននី ក្វាន់៖"គាត់(កុមារីល្អហួស) ពិតជាកូនខ្ញុំមែន...តែបើគេមិនជឿទុកអីចឹងសិនទៅ! ខ្ញុំធ្លាប់មានស្វាមី...គាត់ឈ្មោះ ជូ តុងអាន តែយើងបានបែកគ្នាច្រើនឆ្នាំហើយ ហើយពីមុនហ្នឹងខ្ញុំនៅថត អីចឹងខ្ជិលឲ្យគេដឹង ហើយឥឡូវខ្ញុំឈប់ពីសិល្បៈហើយឲ្យគេដឹងតាមធម្មតាហ្មងទៅ"។
កន្លងទៅទាំងដេននី ក្វាន់ និងកុមារីល្អហួស ព្រមទាំងបងប្អូននាង ចាត់ទុកកុមារីល្អហួសជាកូនបង្កើតរបស់បងប្រុសរបស់នាង ហើយចាត់ទុកល្អហួស និងដេននី ក្វាន់ គឺត្រូវជាម្ដាយមីង និងក្មួយប៉ុណ្ណោះ។ ប៉ុន្ដែឥឡូវនេះ ការពិតត្រូវបានលាតត្រដាងដោយសាមីខ្លួនហើយ។
បើតាមអតីតតារាសម្ដែង និងម៉ូដែលរូបនេះ លោក ជូ ម៉េងអាន ដែលជាស្វាមី និងរូបនាង នៅរាប់អានគ្នាធម្មតា តែបានរស់នៅបែកគ្នាយូរហើយ ហើយរូបនាងផ្ទាល់ក៏មិនទាន់គិតគូរទទួលយកសេចក្ដីស្នេហាពីបុរសណាម្នាក់ទៀតនៅឡើយទេ។ ប៉ុន្តែកន្លងទៅគេសង្កេតឃើញតារាស្រីសម្រស់បាន និងសម្បូរដើមទ្រូងរូបនេះ តែងតែបង្អួតរាង និងបញ្ចេញសារក្នុងន័យស្នេហាតាមបណ្ដាញសង្គមផងដែរ៕
