- 2021-08-18 09:29:48
- ព័ត៌មាន
បច្ចុប្បន្នភាព! សុខៗស្រាប់តែតារាកំប្លែង អៀង ចេនឡា ត្រូវគ្រូពេទ្យបូមទឹកចេញពីសួត
- 2021-08-18 09:29:48
- ចំនួនមតិ 0 | ចំនួនចែករំលែក 0
បច្ចុប្បន្នភាព! សុខៗស្រាប់តែតារាកំប្លែង អៀង ចេនឡា ត្រូវគ្រូពេទ្យបូមទឹកចេញពីសួត
ចន្លោះមិនឃើញ
អ្នកគាំទ្រ ជាពិសេសមិត្តសិល្បៈ មានការភ្ញាក់ផ្អើលចំពោះតារាសម្ដែង និងកំប្លែងស្ងួតលោក អៀង ចេនឡា បន្ទាប់ពីលោកបង្ហាញស្នាមមុខកាំបិត និងទឹកជិតកន្លះដបដែលលោកអះអាងថា វាជាទឹកដែលគ្រូពេទ្យបានបូមចេញពីសួតរបស់លោកនៅរសៀលថ្ងៃទី១៨ ខែសីហា នេះ។
នៅមុននេះបន្តិច តារាកំប្លែង អៀង ចេនឡា បានបង្ហោះរូប២សន្លឹកដោយមានភ្ជាប់នូវសារខ្លីមួយតាមបណ្ដាញសង្គមFacebook ថា សូមអគុណបងប្អូនមិត្ដភក្ដិដែលបានជូនពរ និងបារម្ភពីសុខភាពរបស់លោក៖"ពេលនេះខ្ញុំបានធូរតិចហើយ ស្គាល់ជាតិហើយលោកអើយ បូមទឹកចេញពីសួត"។
គិតត្រឹមម៉ោង៤ រសៀលថ្ងៃទី១៨ ខែសីហា នេះ Sabay មិនទាន់អាចទាក់ទងសាមីខ្លួនដើម្បីបញ្ជាក់បន្ថែមពីស្ថានភាពជំងឺរបស់លោកនោះទេ។ ទន្ទឹមគ្នានេះ អ្នកគាំទ្រ ជាពិសេសមិត្តសិល្បៈ បានបង្ហាញក្ដីបារម្ភចំពោះលោក ហើយបានជូនពរលោកឲ្យឆាប់ជាសះស្បើយទៀតផង។ អ្វីដែលគេមិននឹកស្មានថារឿងបែបនេះកើតឡើងចំពោះលោក អៀង ចេនឡា គឺដោយសារតែគេមិនដែលឮលោកត្អូញឈឺអ្វីឡើយ ហើយស្រាប់តែថ្ងៃនេះលោកបង្ហាញថាលោកត្រូវពេទ្យបូមទឹកចេញពីសួតតែម្ដង៕
