- 2021-08-26 01:00:00
- ព័ត៌មាន
ដេននី ក្វាន់ លឹបលបង្ហាញស្នេហាពិតជាមួយបុរសម្នាក់ ក្រោយប្រកាសថាកុមារីល្អហួសជាកូនបង្កើតរបស់នាង
- 2021-08-26 01:00:00
- ចំនួនមតិ 0 | ចំនួនចែករំលែក 0
ដេននី ក្វាន់ លឹបលបង្ហាញស្នេហាពិតជាមួយបុរសម្នាក់ ក្រោយប្រកាសថាកុមារីល្អហួសជាកូនបង្កើតរបស់នាង
ចន្លោះមិនឃើញ
កាលពីសប្ដាហ៍មុន អតីតតារាសម្ដែង និងជាអ្នកដើរម៉ូតដ៏ស៊ិចស៊ី ដេននី ក្វាន់ បានប្រកាសថានាងធ្លាប់មានស្វាមី ហើយកុមារីល្អហួស គឺជាកូនបង្កើតរបស់នាង ប៉ុន្តែរូបនាង និងស្វាមីបានបែកបាក់គ្នាជាច្រើនឆ្នាំហើយ។ ភ្លាមៗ ក្រោយការប្រកាសនេះ ដេននី ក្វាន់ ថា"ព្រះចន្ទ អាចរះបានដោយគ្មានវត្តមានរបស់ផ្កាយ តើមានហេតុផលអ្វីដែលខ្ញុំមិនអាចរស់ម្នាក់ឯងបានដោយគ្មានអ្នក"។
មិនបានប៉ុន្មានថ្ងៃផង ក្រោយពីចេញសារនេះ ស្រាប់តែនៅថ្ងៃទី២៣ និងថ្ងៃទី២៤ ខែសីហា ដេននី ក្វាន់ បានបង្ហាញវត្ដមានបុរសម្នាក់បែបលាក់លៀមដោយបិទមុខបុរសដែលគេឃើញអង្គុយឱបនាងពីក្រោយនោះ។ ពេលនោះ នាងនិយាយថា "មានតែអូនទេដែលយល់ពីបងច្បាស់ បងកុំគិតច្រើនអូនយល់ហេតុផលរបស់បង ព្រោះមានតែបង និងអូនទេដែលយល់គ្នាច្បាស់ អគុណដែលបងស្រឡាញ់អូន អូនក៏ស្រឡាញ់បងដូចគ្នា"។
មួយថ្ងៃក្រោយមកទៀត នាងក៏បានបញ្ចេញរូបថត១សន្លឹកដែលគេឃើញបុរសម្នាក់ឈឱបនាងម្ដងទៀត ដោយម្ដងនេះ ដេននី ក្វាន់ សរសេរថា ជ្រើសរើសមនុស្សដែលរវល់ តែគេមានពេលសម្រាប់អ្នក កុំជ្រើសរើសមនុស្សដែលមានពេល តែមិនខ្វល់ជាមួយអ្នក"។ តាមរយៈសារ និងរូបថតស្និទ្ធស្នាលដែលដេននី ក្វាន់ បញ្ចេញរយៈពេល២ថ្ងៃជាប់ៗគ្នានេះ ធ្វើឲ្យមហាជន ជាពិសេសអ្នកគាំទ្រនាង យល់ថា ដេននី ក្វាន់ អាចនឹងជានាជាមួយអតីតស្វាមីដែលត្រូវជាឪពុកបង្កើតនោះវិញហើយ។ រីឯអ្នកខ្លះទៀតយល់ថា ដេននី ក្វាន់ បានរកម្ចាស់បេះដូងឃើញម្នាក់ទៀតហើយ។
គិតត្រឹមម៉ោង៣កន្លះ រសៀលថ្ងៃទី២៥ ខែសីហា Sabay មិនទាន់អាចទាក់ទងសាមីខ្លួន ដើម្បីបញ្ជាក់បន្ថែមជុំវិញរឿងនេះបាននៅឡើយទេ។ ប៉ុន្តែកាលពីសប្ដាហ៍មុន ដេននី ក្វាន់ បានបញ្ជាក់តាមរយៈSabay ថា រូបនាងមិនទាន់បានគិតគូររឿងគូរស្រករ ឬរកឃើញបុរសណាម្នាក់ដើម្បីចូលមកស្អំបេះដូងនៅឡើយទេ ហើយអតីតស្វាមីរបស់នាងឈ្មោះ ជូ តុងអាន នោះក៏មិនទាន់ត្រូវរ៉ូវគ្នាវិញដែរ៕
