- 2021-08-27 04:08:52
- ព័ត៌មាន
ព្រះរាជអាជ្ញាស្នើឲ្យតុលាការដាក់ទោស B.I ឲ្យជាប់ពន្ធនាគារ តែមុនថ្ងៃជម្រះក្ដី សាមីខ្លួនបានផ្ញើលិខិត១ច្បាប់ស្រេច
- 2021-08-27 04:08:52
- ចំនួនមតិ 0 | ចំនួនចែករំលែក 0
ព្រះរាជអាជ្ញាស្នើឲ្យតុលាការដាក់ទោស B.I ឲ្យជាប់ពន្ធនាគារ តែមុនថ្ងៃជម្រះក្ដី សាមីខ្លួនបានផ្ញើលិខិត១ច្បាប់ស្រេច
ចន្លោះមិនឃើញ
ការជំនុំជម្រះក្ដីលើកដំបូងរបស់ B.I ត្រូវបានធ្វើឡើងនៅតុលាការកណ្ដាលទីក្រុងសេអ៊ូលនៅម៉ោង ១១ព្រឹក ថ្ងៃទី២៦ ខែសីហា ទាក់ទងករណីចោទប្រកាន់ B.I ពីបទរំលោភច្បាប់គ្រឿងញៀនរបស់ប្រទេសកូរ៉េ។
តាមវិបសាយ Newsen បានឲ្យដឹងថា ព្រះរាជអាជ្ញាបានស្នើឲ្យតុលាការផ្ដន្ទាទោស B.I ដោយដាក់ពន្ធនាគារ ៣ឆ្នាំ និងពិន័យជាប្រាក់ ១,៥០លានវ៉ុន (ខ្ទង់ ១ ២៨០ដុល្លារ)។
យ៉ាងណាក្ដីមុនពេលជំនុំជម្រះក្ដី B.I បានដាក់លិខិតសុំទោសទៅកាន់តុលាកា កាលពីថ្ងៃទី២៥ ខែសីហា។ លោកបានលើកឡើងទាក់ទងនឹងករណីដែល គេចោទប្រកាន់លោកពីការជួញដូរ និងប្រើថ្នាំញៀន តាមរយៈក្រុមហ៊ុនរបស់ខ្លួនគឺ IOK Company។
B.I តាមរយៈ IOK Company បាននិយាយថា៖ «ខ្ញុំមិនអាចវិលត្រឡប់ទៅអតីតកាល និងកំហុសពីមុនដូចអ្វីដែលបានកើតឡើងរួចមកហើយនោះបានទេ ប៉ុន្តែខ្ញុំតែងគិតថាគួរធ្វើបែបណា ដើម្បីខ្ញុំអាចកែលម្អពិភពលោក និងជួយឲ្យសង្គមមួយនេះមានភាពប្រសើរជាងមុន សម្រាប់ពេលដែលនៅសេសសល់ក្នុងជីវិតរបស់ខ្ញុំ»។
គួរដឹងដែរថា B.I ត្រូវបានក្រុមការងារមានសមត្ថកិច្ច បញ្ចប់ការស៊ើបអង្កេតសរុបចំនួន ៩ករណី និងធ្វើតេស្តគ្រឿងញៀនរួចរាល់អស់ហើយ អំឡុងពេលនៃដំណើរការនីតិវិធីច្បាប់៕
