- 2021-09-03 02:20:27
- ព័ត៌មាន
ធ្លាយរឿង សឿ សុធារ៉ា ជំពាក់លុយតុងទីនគេ ហើយគេចវេះមិនព្រមសង
- 2021-09-03 02:20:27
- ចំនួនមតិ 0 | ចំនួនចែករំលែក 0
ធ្លាយរឿង សឿ សុធារ៉ា ជំពាក់លុយតុងទីនគេ ហើយគេចវេះមិនព្រមសង
ចន្លោះមិនឃើញ
តារាសម្ដែងវ័យជ្រេ ដែលទើបប្រកាសចូលប្រឡូកក្នុងអាជីពសម្ដែងវិញ គឺអ្នកនាង សឿ សុធារ៉ា ត្រូវបានម្ចាស់គណនីFacebook ឈ្មោះ Asa Be Strong ទម្លាយថា សឿ សុធារ៉ា បានជំពាក់លុយតុងទីននាងរាប់ពាន់ដុល្លារមិនព្រមសង ហើយព្យាយាមគេចវេះមិនព្រមសងដោយផ្ញើសារក៏មិនតប ទូរស័ព្ទក៏លែងលើកទៀត។
នារីម្នាក់ដែលអះអាងថាជាកូនតុងទីនដែលមានតារាសម្ដែងស្រី សឿ សុធារ៉ា ជាមេតុងទីននោះ និយាយថា មេតុងទីនបងស្រីតារា សឿ សុធារ៉ា ជួយទូទាត់លុយដែលនៅសល់ឲ្យប្អូនផងមេ ប្អូនតេមិនលើក ឆាតមិនតប។ លេងតុងទីនជាមួយបង៧-៨ខែ ខាតទាំងពេល អត់បានចំណេញ ហើយខាងបងមកសម្រួលឲ្យតែដើមទៀត ហើយខ្ញុំក៏ព្រមយកតែដើមវិញហើយ ហេតុអីបងឆាតមិនតប តេមិនលើកអីចឹង ហើយធ្វើដាក់កូនតុងទីនគ្រប់គ្នាអីចឹងបង។
Aza Be Strong៖"លុយញើស លុយឈាម ប្អូនខំលក់ផ្អក លក់ម៉ាំយកទៅបង់ណាបង បងដេញតុងទីនពីកូនផ្សេងៗ យកលុយហើយរាប់ម៉ឺនយកទៅណាបង សល់កូនៗដែលមិនឲ្យគេចំណេញសូម្បីតែមួយរៀល សុំឲ្យគេយកតែដើម ហើយម៉េចមិនទូទាត់ឲ្យគេអីចឹង...ហាឡើងលុយតិចតួចសោះ"។
Sabay បានព្យាយាមទាក់ទងអ្នកនាង សឿ សុធារ៉ា ដើម្បីបកស្រាយលម្អិតជុំវិញការលើកឡើងរបស់នារីម្នាក់នេះដែរ។ប៉ុន្តែគិតត្រឹមម៉ោង៩ព្រឹកថ្ងៃទី៣ ខែកញ្ញា ឆ្នាំ២០២១ នេះ មិនទាន់អាចទាក់ទងបាននៅឡើយតាមរយៈសារសំឡេងជាច្រើនដងទៅកាន់តារាស្រីរូបនេះ។
ទោះជាយ៉ាងណាតាមរយៈសារដែលបានឆ្លើយឆ្លងជាមួយកូនតុងទីន ហើយត្រូវបានកូនតុងទីនទម្លាយនោះ គេក៏ឃើញអ្នកនាង សឿ សុធារ៉ា ដែលជាមេតុងទីន បានព្យាយាមទូទាត់កូនតុងទីនដែរ ដោយម្ដងផ្ញើ១០០០ដុល្លារ ម្ដង១៥០០ដុល្លារ តាមគណនីធនាគារ ABA ប៉ុន្តែចុងក្រោយនេះស្រាប់តែនាងលែងឆ្លើយតបសារជាមួយកូនតុងទីនតែម្ដង ទើបនាំឲ្យមានការបែកធ្លាយរឿងនេះ៕
