- 2021-09-07 02:15:23
- ព័ត៌មាន
ឃើញមុខស្លេកស្លាំង និងគ្មានកម្លាំង តាមពិត អៀង ចេនឡា ត្រូវថ្នាំធ្វើទុក្ខ ហើយមានអាហារត្រូវតម៦ខែទៀត
- 2021-09-07 02:15:23
- ចំនួនមតិ 0 | ចំនួនចែករំលែក 0
ឃើញមុខស្លេកស្លាំង និងគ្មានកម្លាំង តាមពិត អៀង ចេនឡា ត្រូវថ្នាំធ្វើទុក្ខ ហើយមានអាហារត្រូវតម៦ខែទៀត
ចន្លោះមិនឃើញ
ស្ថិតក្នុងទឹកមុខស្លេកស្លាំង និងមិនសូវមានកម្លាំងកំហែងនៅឡើយ ប៉ុន្តែតារាសម្ដែងប្រុស អៀង ចេនឡា ប្រាប់ថា ស្ថានភាពសុខភាពរបស់លោកបានធូរច្រើនហើយ បន្ទាប់ពីចោះឆ្អឹងជំនីផ្នែកខាងក្រោយដើម្បីបូមយកទឹកចេញពីសួតកាលពីពាក់កណ្ដាលខែសីហា ឆ្នាំ២០២១។
តារាសម្ដែង និងកំប្លែងស្ងួតរូបនេះ ប្រាប់Sabay នៅថ្ងៃទី៧ ខែកញ្ញា ថា បន្ទាប់ពីបូមទឹកចេញពីសួត លោកបានអនុវត្តយ៉ាងខ្ជាប់ខ្ជួននូវវិធានរបស់គ្រូពេទ្យ ហើយលោកនៅតែបន្តលេបថ្នាំតាមវេជ្ជបញ្ជារយៈពេល៦ខែទៀត ព្រមទាំងបន្តអនុវត្តការតមគ្រឿងហូបចុកខ្លះក្នុងរយៈពេល នៃការប្រើថ្នាំនេះដែរ។
អៀង ចេនឡា៖"បានធូរច្រើនហើយ ខ្ញុំត្រូវពេទ្យឲ្យលេបថ្នាំ៦ខែ។ តមគ្រឿងផ្អាប់ ក្រៅពីនឹងមិនឲ្យតមអីទេ ពេទ្យឲ្យខំញ៉ាំ ព្រោះញ៉ាំថ្នាំហ្នឹងធ្វើទុក្ខណាស់"។
លោក អៀង ចេនឡា និយាយថា ដំបូងឡើយលោកមានអាការក្អកជាច្រើនខែមិនបាត់សោះ ហើយលោកក៏ធ្លាប់ធ្វើសំណាករកជំងឺកូវីដ-១៩ តែមិនមានឡើយ។ ដោយក្អកមិនបាត់ និងកាន់តែខ្លាំងឡើង ទើបលោកសម្រេចទៅពេទ្យដើម្បីជួសឈាម ហើយពេទ្យថាមានមេរោគក្នុងក្រពះ ហើយតម្រូវឲ្យលេបថ្នាំរយៈពេល៦ខែ តែនៅមិនបាត់ក្អកសោះ។
ទើបក្រោយមកទៀត ពោលគឺនៅថ្ងៃទី១៨ ខែសីហា ឆ្នាំ២០២១ លោកក៏ទៅពេទ្យថតសួត ក៏ឃើញទឹកចូលសួតតែម្ដង៕
