- 2021-09-09 04:25:12
- ព័ត៌មាន
ម៉ា ច័ន្ទបញ្ញា ញែកការចាប់អារម្មណ៍របស់មហាជនលើសារ១ដុល្លារ និងរឿងប៉ូលិសវាយស្ដ្រីម្នាក់យប់មិញ
- 2021-09-09 04:25:12
- ចំនួនមតិ 0 | ចំនួនចែករំលែក 0
ម៉ា ច័ន្ទបញ្ញា ញែកការចាប់អារម្មណ៍របស់មហាជនលើសារ១ដុល្លារ និងរឿងប៉ូលិសវាយស្ដ្រីម្នាក់យប់មិញ
ចន្លោះមិនឃើញ
យប់មិញមានរឿងពីរដែលធ្វើឲ្យអ្នកគាំទ្រតារាចម្រៀង ម៉ា ច័ន្ទបញ្ញា ចាប់អារម្មណ៍ខ្លាំង។ ទី១ គឺសារបង្ហោះដោយ ម៉ា ច័ន្ទបញ្ញា អំពាវនាវសុំ១ដុល្លារដើម្បីធ្វើបទចម្រៀង និងថតកុន ព្រមទាំងគាំទ្រលើសកម្មភាពមនុស្សធម៌ដទៃទៀត និងរឿងទី២ គឺករណីហិង្សារវាងសមត្ថកិច្ចអនុវត្ដច្បាប់ចរាចរណ៍ផ្លូវគោក វាយទៅលើអ្នកជិះម៉ូតូអត់ពាក់ពាក់មួកសុវត្ថិភាព។
ម៉ា ច័ន្ទបញ្ញា បានប្រាប់Sabay នៅថ្ងៃទី៩ ខែកញ្ញា ថា ព្រឹត្តិការណ៍យប់មិញ និងសារ១ដុល្លាររបស់លោកយប់មិញ គឺទាញចំណាប់អារម្មណ៍ពីអ្នកគាំទ្រខុសគ្នាដាច់ ដោយមនុស្សភាគច្រើនឈឺឆ្អាលតែទៅលើរឿងប៉ូលិសវាយអ្នកជិះម៉ូតូច្រើនជាង។ លោកថា មនុស្សឥឡូវទាល់តែមានរឿងអីប្លែក ទើបគេចាប់អារម្មណ៍ហើយវាយតម្លៃ ហើយតាំងនាំគ្នានិយាយថាសង្គមនេះសម្បូរតែរឿងប្លែកៗ តែគេមិនបានគិតពីដើមហេតុដែលឈានទៅរករឿងប្លែកៗទាំងនោះទេ។
ម៉ា ច័ន្ទបញ្ញា៖"សម្រាប់ខ្ញុំអត់ហានវាយតម្លៃថាដើមហេតុមកពីខាងណា ឬខាងណាទេ! ក៏ប៉ុន្តែខ្ញុំចង់ឲ្យមហាជនមុននឹងធ្វើការបង្ហោះ ឬផ្សព្វផ្សាយនូវមតិរបស់គាត់ត្រូវគិតគូរពីដើមហេតុ ព្រោះបច្ចុប្បន្នគឺជាសម័យបើកទូលាយជើងមេឃនៃការផ្សព្វផ្សាយ ដូច្នេះបើយើងនិយាយអីមួយទៅក្នុងបណ្ដាញសង្គម គឺសុទ្ធតែបានឃ្លាំមើលដោយមតិប្រជាជនទូទៅ"។
តារាចម្រៀង ម៉ា ច័ន្ទបញ្ញា បានបង្ហោះសារមួយសុំការជួយជ្រោមជ្រែងពីអ្នកគាំទ្រនូវទឹកប្រាក់១ដុល្លារ ដើម្បីធ្វើបទចម្រៀង និងផលិតកុន ព្រមទាំងគាំទ្រលើសកម្មភាពមនុស្សធម៌ដទៃទៀតកាលពីយប់មិញ។ គិតមកដល់ម៉ោង១១ព្រឹកថ្ងៃទី៩ ខែកញ្ញា នេះ មានអ្នកចូលLike ចំនួន៧៩៨នាក់ comment ៣៥ដង និងShare១៩ដងប៉ុណ្ណោះ។
រីឯលោកបង្ហោះរូបភាព និងសារមួយទៀតទាក់ទងប៉ូលិសវាយអ្នកជិះម៉ូតូអត់ពាក់មួក ត្រឹមតែ២ម៉ោងសោះ គិតត្រឹមរយៈពេលដូចគ្នា គឺមានអ្នកចូលLike រហូតដល់ជាង១០០០នាក់ ហើយcomment និងshare មានជិត១០០នាក់៕
