
- ព្រហស្បតិ៍, 11 វិច្ឆិកា 2021 02:02
- ព័ត៌មាន
ដំណឹងក្រៀមក្រំ! តារាសម្ដែង និងចម្រៀងទសវត្ស៦០ និង៧០ កែវ មន្ថា ទទួលមរណៈភាពហើយ
- ព្រហស្បតិ៍, 11 វិច្ឆិកា 2021 02:02
- ចំនួនមតិ 0 | ចំនួនចែករំលែក 0
ដំណឹងក្រៀមក្រំ! តារាសម្ដែង និងចម្រៀងទសវត្ស៦០ និង៧០ កែវ មន្ថា ទទួលមរណៈភាពហើយ
ចន្លោះមិនឃើញ
នៅព្រឹកថ្ងៃទី១១ ខែវិច្ឆិកា ឆ្នាំ២០២១ នេះ លេចដំណឹងដ៏ក្រៀមក្រំថ្មីមួយទៀតទាក់ទងនឹងមរណៈភាពសិល្បការិនីខ្មែរ។ នោះ គឺតារាសម្ដែង និងចម្រៀង កែវ មន្ថា បានទទួលមរណៈភាពកាលពីម៉ោង១២ និង៣០នាទី រំលងអាទ្រាត្រឈានចូលថ្ងៃទី១១ ខែវិច្ឆិកា។
បើតាមសារបង្ហោះដោយចៅស្រីបង្កើតរបស់តារាចម្រៀង និងសម្ដែងជើងចាស់ កែវ មន្ថា ឈ្មោះ ស៊ូ ស៊ីរីកា ឲ្យដឹងថា លោកស្រី កែវ មន្ថា ដែលជាជីដូនដ៏គួរឲ្យគោរព និងស្រឡាញ់បំផុតនោះបានស្លាប់ទៅហើយក្នុងជន្មាយុ៧៧ ឆ្នាំ ដោយរោគគាពាធ។
បន្ទាប់ពីលេចចេញនូវដំណឹងដ៏ក្រៀមក្រំនេះ មានប្រភពមួយចំនួនបានរំលឹកឡើងវិញនូវស្នាដៃបទចម្រៀង និងខ្សែភាពយន្ដរបស់លោកស្រី។ លោកស្រី កែវ មន្ថា បានប្រឡូកក្នុងវិស័យសិល្បៈតាំងពីដើមទសវត្ស៦០ ហើយកេរ្ដិ៍ឈ្មោះរបស់លោកចាប់ផ្ដើមល្បីខ្លាំងនៅក្នុងទសវត្ស៦០ និងដើមដើមទសវត្ស៧០។
ក្នុងចំណោមស្នាដៃបទចម្រៀងជាច្រើនបទគេនៅចាំបទ”ខ្យល់លើកំពូលភ្នំ”របស់លោកស្រីជាងគេ។ រីឯភាពយន្ដវិញ គឺមានដូចជារឿង៖សង្សាឧត្ដមដួងចិត្ដ និងរឿង”ស្បៃក្រហម”ជាដើម៕