- 2021-11-12 03:04:43
- ព័ត៌មាន
សេដ្ឋកិច្ចអាមេរិកដើរវិញ ចុងឆ្នាំនេះ ហង្ស ឈា ចាប់ផ្ដើមត្រូវប៉ាន់បណ្ដោយ
- 2021-11-12 03:04:43
- ចំនួនមតិ 0 | ចំនួនចែករំលែក 0
សេដ្ឋកិច្ចអាមេរិកដើរវិញ ចុងឆ្នាំនេះ ហង្ស ឈា ចាប់ផ្ដើមត្រូវប៉ាន់បណ្ដោយ
ចន្លោះមិនឃើញ
ក្រោយពីសហរដ្ឋអាមេរិក ប្រទេសដែលរងគ្រោះដោយវិបត្តិកូវីដ១៩ លំដាប់ទី១ក្នុងលោកនោះ បានវិលត្រឡប់មករកភាពប្រក្រតីវិញស្ទើរ ១០០%នោះ សេដ្ឋកិច្ចផ្ដើមមានសន្ទុះដែរ ខណៈដែលលោក ហង្ស ឈា បច្ចុប្បន្នជានយោជកមួយរូបនៅលើដីប្រទេសអំណាចនេះ អះអាងថា អាជីវកម្មរបស់លោកផ្ដើមមានសន្ទុះទៅមុខគួរឲ្យមោទកភាព។
លោក ហង្ស ឈា ត្រូវបានគេដឹងថា បាន និងកំពុងគ្រប់គ្រងអាជីវកម្មចំនួន២បន្តពីបងប្រុសរបស់ខ្លួនអស់រយៈពេលប្រមាណ ១០ឆ្នាំមកហើយ។ អាជីវកម្មទី១របស់លោក គឺជំនួញហាងលក់ភេសជ្ជៈយីហោ Boba Tea និងទី២ គឺក្រុមហ៊ុនផ្គត់ផ្គង់បម្រើសេវាកម្មពលកម្មសម្រាប់តម្រូវកិច្ចការងារផ្សេងៗ។
អាជីវកម្ម១ក្នុងចំណោម២នេះ បានរងផលប៉ះពាល់រហូតដល់សម្រេចកាត់បន្ថយបុគ្គលិក ៥០% អំឡុងពេលកូវីដ១៩ វាយប្រហារខ្លាំងលើសហរដ្ឋអាមេរិក។ ប៉ុន្តែមកដល់បច្ចុប្បន្ន អាមេរិកដែលជាម្ចាស់ផលិតវ៉ាក់សាំងមានការទទួលស្គាល់គុណភាពខ្ពស់នោះ បានមានព្រាបលើសត្រូវលាក់មុខមួយនេះ ហើយអ្វីៗបានវិលត្រឡប់ដូចដើមវិញស្ទើរ ១០០%។
ហង្ស ឈា ថ្លែង “អ្វីៗត្រឡប់មកដូចដើមវិញ ច្រើនខែហើយ ហើយសេដ្ឋកិច្ចចាប់ផ្ដើមស្ទុះឡើងវិញខ្លាំងដែរ"។ ស្ថានភាពនេះ ធ្វើឲ្យក្រុមហ៊ុនអាជីវកម្មតាំងពីកម្រិតតូច មធ្យម និងក្រុមហ៊ុនយក្ស ផ្ដើមសង្វាក់ផលិតកម្ម និងផលិតភាពឡើងវិញធម្មតា ហើយអាជីវកម្មទាំងពីររបស់លោកក៏ដូចគ្នា។
ទន្ទឹមនឹងការបង្ហើបនេះ ថ្មីៗនេះ គេឃើញបញ្ចេញពីសង្វាក់ផលិតកម្មនៃក្រុមហ៊ុនរបស់លោកលើការផលិតដើមផ្កាសម្រាប់ប្រើប្រាស់ក្នុងពិធីបុណ្យណូអែល ដោយលោកបានប្រកាសជ្រើសរើសកម្លាំងពលកម្មជាច្រើននាក់។ អតីតតារាចម្រៀង និងសម្ដែង បញ្ជាក់ថា លោកបានទទួលការកុម្ម៉ង់យ៉ាងគំហុកទីផ្សារ។
លោកថា តួលេខនៃការកុម្ម៉ង់ពីទីផ្សារ គឺមានការកើនឡើងទ្វេរដងបើធៀបនឹងមុន និងអំឡុងពេលប្រទេសរងវិបត្តិដោយកូវីដ១៩។ យ៉ាងណា លោកសុំមិនបញ្ចេញពីតួលេខ និងប្រាក់ចំណូលជាក់ស្ដែង។
សេវាផ្គត់ផ្គង់ដើមឈើនូអែលរបស់ ហង្ស ឈា បានដំណើរច្រើនឆ្នាំមកហើយ ហើយការងារនេះ បានផ្ដល់ការងារឲ្យពលរដ្ឋក្នុងតំបន់មានចំណូលបន្ថែមប្រមាណជាង ៥០នាក់ ក្នុងនោះ សម្រាប់ឆ្នាំនេះ លោកថា កម្លាំងពលកម្មរបស់លោកមានបងប្អូនខ្មែរជាង ២០នាក់ និងពលរដ្ឋអាគាំង(សហរដ្ឋអាមេរិក) ប្រមាណជាង ២០នាក់បន្ថែមទៀត៕
