- 2022-03-05 06:48:05
- ព័ត៌មាន
ផលិតកម្ម Cube ប្រកាសបញ្ចប់កុងត្រាផ្លូវការជាមួយ Soojin ផ្អែកលើរបាយការណ៍ប៉ូលីស
- 2022-03-05 06:48:05
- ចំនួនមតិ 0 | ចំនួនចែករំលែក 0
ផលិតកម្ម Cube ប្រកាសបញ្ចប់កុងត្រាផ្លូវការជាមួយ Soojin ផ្អែកលើរបាយការណ៍ប៉ូលីស
ចន្លោះមិនឃើញ
នៅថ្ងៃទី០៥ ខែមីនានេះផលិតកម្ម Cube បានចេញសេចក្ដីប្រកាសមួយទាក់ទងនឹងអតីតសមាជិកក្រុម (G)I-DLE គឺ Soojin។
ផលិតកម្មបានលើកឡើងថា៖
«សួស្ដីនេះគឺផលិតកម្ម Cube
យើងសូមជម្រាបជូនថាកុងត្រាផ្ដាច់មុខរបស់យើងជាមួយនឹង តារាស្រី Seo Soojin ត្រូវបានបញ្ចប់ហើយ។
នៅខែកុម្ភៈកាលពីឆ្នាំមុន បន្ទាប់ពីមានបញ្ហាចម្រូងចម្រាសកើតឡើង ផលិតកម្ម Cube បានធ្វើចាត់ចែងការងារនេះយ៉ាងយូរជាមួយនឹង Seo Soojin ដើម្បីស្វែងរកការពិត តាមរយៈការស៊ើបក្ដីរបស់ប៉ូលីស។ ទោះជាយ៉ាងណា ប៉ូលីសបានសន្និដ្ឋានជាចុងក្រោយថា ជនជាប់ចោទមិនមានកំហុសទេដែលផ្សាយព័ត៌មានមិនពិតទេ។
ផលិតកម្ម Cube សូមសម្ដែងការគោរពចំពោះការសម្រេចចិត្តរបស់ប៉ូលីស ហើយយើងក៏សូមលំអោនកាយសម្ដែងការសុំទោសដែលធ្វើឲ្យមនុស្សជាច្រើនមានការព្រួយបារម្ភចំពោះបញ្ហានេះ។ សូមអរគុណ!»
Soojin បានធ្វើឲ្យគ្រប់គ្នា មានការសោកស្ដាយជាខ្លាំងដែលនាងបានដកខ្លួនចេញពីក្រុម ក្រោយមានបញ្ហាកើតឡើង ដោយសារមានអ្នកចោទថានាង ធ្លាប់មើលងាយ (Bully) មិត្តភ័ក្តិកាលពីនៅរៀន។ រឿងនេះបានក្លាយជាព័ត៌មានធំមួយដែរប្រចាំពិភព K-Pop កាលពីឆ្នាំ ២០២១ បង្កជាការភ្ញាក់ផ្អើលជាខ្លាំង៕
