មហោស្រពបុណ្យភូមិ បាន​បញ្ចប់​ដោយជោគជ័យ​នូវការរៀបចំ​ទស្សនីយភាព​ពិសេសៗកាល​ពីសប្ដាហ៍ទី ១ ពោលគឺថ្ងៃទី ០១-០២-០៣ ខែមេសា ឆ្នាំ២០២២ នៅ Factory Phnom Penh ដោយ​មាន​ការ​ចូលរួម​សម្ដែង​ពីសំណាក់តារាជើងចាស់ ជើងថ្មីជា​ច្រើន រួមមានក្រុមសម្ដែង​ត្រកូលខាត់ ក៏ដូចជាក្រុម​ក្មេងខ្មែរជា​ដើម។

ដោយឡែក​ឈាន​ចូល​សប្ដាហ៍ទី ២ បុណ្យភូមិ ក៏នឹង​មិនធ្វើឲ្យអ្នក​ស្រុក​បុណ្យភូមិ ខក​ចិត្ត ដោយ​បង្ហាញ​តាម​គម្រោង នឹង​មាន​ការ​ចូលរួម​សម្ដែងជា​ពិសេស​ពីសំណាក់​សិល្បករ សិល្បការិនីមាន​ទេពកោសល្យ។ ជាក់ស្ដែង​ទំព័រហ្វេសប៊ុក បុណ្យភូមិ ទើប​បាន​ប្រកាសថា​ នៅថ្ងៃទី១ នៃសប្ដាហ៍ទី២ ពោល​គឺថ្ងៃទី០៨ ខែមេសា នឹង​មាន​ការបង្ហាញ​ទស្សនីយភាព​ ល្ខោនយីកេ ដែល​ជា​ការសម្ដែង​របស់ ក្រុមសិល្បៈយីកេបុរាណ ស្រុកកំពង់ស្វាយផ្ទាល់។

កុំភ្លេចទៅចូលរួមទស្សនាទាំងអស់គ្នា នៅ វត្តស្វាយអណ្ដែត ដើម្បីកម្សាន្តផង ក៏ដូចជាជួបជុំបងប្អូនរួមជាតិ ពិសេស​អ្នកក៏នឹង​ក្លាយជាចំណែក​កដ៏ធំ​ក្នុង​ការ​លើកស្ទួយវប្បធម៌ជាតិខ្មែរឲ្យកាន់តែរុងរឿងទៅមុខ៕