បន្ទាប់ពី បទរាំលាក់ខ្លួន ស្វាគមន៍បុណ្យភូមិ ២០២២ មុននេះបន្តិច ក្រុមការងារបានបញ្ចេញបទចម្រៀងទី២ ធ្វើឱ្យមានការចាប់អារម្មណ៍ជាខ្លាំងពីសំណាក់អ្នកគាំទ្រ គ្រាន់តែចេញក្បាលឃ្លាដំបូង សម្រែកយ៉ាងគ្រលួចពីតារាចម្រៀងកេសរ ស្ដាប់ទៅព្រឺក្បាលខ្ញាកៗតែម្ដង។

ដោយសារតែអាក់ខានដល់ទៅ២ ឆ្នាំំមកលើកនេះបុណ្យភូមិកាន់តែកាច ចេញបទចម្រៀងមួយបទម្ដេចនឹងគ្រាន់ ថែមមួយបទទៀតឱ្យផ្ទុះកក្រើកប្រទេសឱ្យណាណីម្ដងទៅ។ បទចម្រៀងទី២ សម្រាប់បុណ្យភូមិនេះដែរមានចំណងជើងថា «គែនស្នេហ៍បុណ្យភូមិ» ។ ក្នុងបទចម្រៀងមួយបទនេះ ប្រមូលផ្ដុំសុទ្ធតែសិល្បៈករ សិល្បៈការិនី ពោរពេញដោយទេពកោសល្យដូចជា៖ លោក Vanthan - វណ្ណថាន | កញ្ញា Sophea Chamroeun/ចំរើន សុភា | កញ្ញា Kesorrr កេសរ និង ក្រុម ក្មេងខ្មែរ - KmengKhmer។ បទចម្រៀងពេញនឹងចេញឆាប់ៗនេះហើយ ត្រៀមរាំសប្បាយឱ្យណាណីក្នុងឱកាសបុណ្យចូលឆ្នាំខ្មែរនេះ។

វីដេអូ៖

ក្រុមការងារភ្លើងគប់ ដែលជាអ្នកបង្កើត និងរៀបចំកម្មវិធី បុណ្យភូមិ បាន​ប្រកាសជាផ្លូវការនូវទីតាំងវត្ត ដែល​ត្រូវ​រៀបចំ​កម្មវិធីពិសេស​នេះ។ ឆ្នាំនេះ​ បុណ្យភូមិ នឹង​ធ្វើ​ឡើង​នៅ​ វត្តស្វាយអណ្ដែត ស្រុកល្វាឯម ខេត្តកណ្ដាល ៕