- 2022-05-02 00:41:49
- ព័ត៌មាន
ទោះខ្សត់ការ Promote ដ៏សោះកក្រោះ ក៏«Still Life» របស់ BIGBANG អាចដណ្ដើមជ័យជម្នះអស្ចារ្យបានដែរ
- 2022-05-02 00:41:49
- ចំនួនមតិ 0 | ចំនួនចែករំលែក 0
ទោះខ្សត់ការ Promote ដ៏សោះកក្រោះ ក៏«Still Life» របស់ BIGBANG អាចដណ្ដើមជ័យជម្នះអស្ចារ្យបានដែរ
ចន្លោះមិនឃើញ
BIGBANG បានចេញបទថ្មី១បទ ជាលើកដំបូងក្រោយបាត់មុខរយៈពេល ៤ឆ្នាំ គឺបទ «Still Life» កាលពីថ្ងៃទី០៥ ខែមេសា ឆ្នាំ២០២២ ហើយភ្លាមៗបទនេះអាចហក់ឡើងកាន់កាប់តំណែងកំពូលៗជាច្រើនលើតារាងបទចម្រៀងល្បីៗ។
បច្ចុប្បន្ន «Still Life» បានអង្គុយគ្រងតំណែងយ៉ាងរំភើយនៅលេខ ១ លើតារាងបទចម្រៀងកំពូល TOP 100 របស់ Melon និងលេខ ២ នៅលើតារាង Gaon ក្នុងប្រទេសកូរ៉េ។ បទនេះពិតជាទទួលបានភាពជោគជ័យខ្លាំង ប៉ុន្តែក្រុមមិនបានចេញPromote (ផ្សព្វផ្សាយ) ឡើយ មានន័យថាស្ងាត់តែម្ដង។ ទោះជាមិនបានចេញ Promote ដូចបទមុនៗ ប៉ុន្តែពួកគេនៅតែខ្លាំង មានន័យថា មានសមត្ថភាពឈានដល់កាន់កាប់ជោគជ័យធំយ៉ាងអស្ចារ្យ។
ប្រការនេះបានធ្វើឲ្យអ្នកគាំទ្រនឹកឃើញដល់កាលពីឆ្នាំ ២០០៧ នៅថ្ងៃទៅ០៧ ខែកញ្ញា នៅពេល BIGBANG ឈ្នះពានពីកម្មវិធី Inkigayo លើកដំបូង ដោយពេលនោះក្រុមបានយកឈ្នះ FTIsland. Hyesung (SHINHWA), Yangpa និង Lee Seung Gi តាមរយៈបទ «Lie»។ វាមានរយៈពេល ១៥ឆ្នាំ ហើយ ហើយក្រុមអាចធ្វើរឿងអស្ចារ្យនេះ (ឈ្នះ) បានគ្រប់ ១០០ដង ពីកម្មវិធីនេះហើយ។
អ្នកគាំទ្រ (VIP) ក៏បានអបអរសាទរ នូវសមិទ្ធិផលពិសេសនេះរួមគ្នាលើ Twitter ហើយគ្រប់គ្នាគ្មានថ្ងៃភ្លេចបានទេ នូវអ្វីដែលក្រុមបានខិតខំកន្លងមកនេះ៕
