Jackson Wang (GOT7) នឹង​បង្ហាញ​មុខជា​ពិសេសក្នុង​កម្មវិធីប៉ុស្តិ៍ NBC របស់តារា​ចម្រៀងអាមេរិក Kelly Clarkson គឺ The Kelly Clarkson Show ក្នុង​ពេល​ឆាប់ៗ។

រម្លឹក​ដែរថា​ Jackson បាន​ចូលរួមក្នុង​កម្មវិធី The Late Late Show With James Corden កាលពីឆ្នាំ ២០១៩ ក្នុងនាម​ជា​តារាទោល ហើយនោះ​គឺជា​ពេលកម្របំផុតដែល​តារា​ទោល K-Pop មានឱកាសត្រូវបាន​អញ្ជើញឲ្យ​ចូលរួមក្នុង​កម្មវិធីនេះ។

តមកទៀត ថ្មីៗនេះ Jackson ក៏បាន​ឡើងសម្ដែង​ក្នុងកម្មវិធី Coachella ឆ្នាំ២០២២ នៅសហរដ្ឋអាមេរិក ដើម្បី Promote បទ​ថ្មី «Blow» របស់​លោកដែរ។ ស្របពេល​នៃដំណើរទៅកាន់ប្រទេសមហាអំណាចមួយនេះ លោកក៏​បាន​ចូលរួមក្នុងកម្មវិធី «The Kelly Clarkson Show» ដែរ ប៉ុន្តែជាការថតទុក ហើយវីដេអូផ្លូវការនឹង​ចេញ​នៅក្នុងពេល​ឆាប់ៗ។

យ៉ាងណា​មិញ ចូលរួមកម្មវិធីពេលនោះ តារា​ប្រុសជនជាតិចិនរូបនេះ​ មិន​ឯកាទេ ព្រោះក៏មានការចូលរួមពី​តារា​សម្ដែង ផលិតករអាមេរិក Jake Johnson និង តារាកំប្លែងអាមេរិក Natasha Leggero ដែរ។

តាមការបញ្ជាក់កម្មវិធីនេះ​នឹង​ចាក់ផ្សាយជា​ផ្លូវការនៅ​ថ្ងៃទី០៤ ខែឧសភា ខាងមុខ៕