ផ្អែកតាមការបញ្ជាក់ របស់ អ្នកនាង ចន ច័ន្ទលក្ខិណា រួមទាំង សុវត្ថិឌី ធារិកា និង កញ្ញាស្រីពៅ ដែល​បាន​ប្រកាសក្នុងវីដេអូ Live កាល​ពីថ្ងៃទី២១ បាន​ឲ្យដឹង​ថា​ នៅ​ថ្ងៃទី២២ ខែឧសភា គឺជាការប្រារព្ធពិធីបុណ្យខួបគម្រប់ ៧ ថ្ងៃដើម្បីឧទ្ទិសកុសលជូនចំពោះដួងវិញ្ញាណក្ខន្ធររបស់ ឪពុកម្ដាយ កញ្ញា សុវត្ថិឌី ធារិកា។

ជាក់ស្ដែង​នៅថ្ងៃដំបូង នៃពិធីបុណ្យនេះ ក្រុមគ្រួសារ​សព ពិតជា​មាន​កិត្តិយស ដោយមានការចូលរួមជាពិសេសរបស់ លោកជំទាវ ហ៊ុន ស៊ីណាត ដែលលោកតែងយកចិត្តទុកដាក់ និងសួរនាំឥតឈប់ពីសុខទុក្ខតារាចម្រៀងវ័យក្មេងរូបនេះ ក្រោយជួបហេតុការណ៍ដ៏អាក្រក់កាលពេល​កន្លងទៅ។

ជាមួយគ្នានោះ ក៏ឃើញថា​មាន​ការជួយជ្រោមជ្រែងតាមទម្លាប់ របស់អ្នកនាង ចន ច័ន្ទលក្ខិណា កញ្ញា ស្រីពៅ ដែលប្រៀបដូចខ្នងបង្អែករបស់ ធារិកានៅពេល​នេះដែរ។ ក្រៅពីនេះ​ នៅមាន​វត្តមាន​ចូលរួមរបស់តារាៗជាច្រើននាក់ទៀតរួមមាន៖ អ្នកនាង គង់ សុជាតិ លោក អ៊ាម វន្នី លោក អេឡិច ចន្ទត្រា កញ្ញា ស៊ូ ស៊ីរីកា លោក វេហាស៍ អ្នកនាង រស់ សុធាវី លោក អ៊ឹម ជីវ៉ា កញ្ញា ចាន់ គង់ការ កញ្ញា ហ៊ិន ចាន់នីរ័ត្ន ឌីជេ ណាណា លោក ញ៉ែម សុគន្ធ លោក នាង វ៉ាងសាន់ កញ្ញា ណាក់ ស្រីណាជាដើម។

តាមការបង្ហើប ពិធីបុណ្យនេះ នឹងធ្វើបន្តដល់ព្រឹកថ្ងៃ ២៣ ខែឧសភា ឆ្នាំ២០២២ មួយព្រឹកទៀតជាកិច្ចបង្ហើយបុណ្យ៕

រូបភាពពីហ្វេសប៊ុករបស់ លោកជំទាវ ហ៊ុន ស៊ីណាត, អ្នកនាង ចន ច័ន្ទលក្ខិណា និង DJ ណាណា