តារា K-Pop ត្រូវតែមាន​ លិខិតឆ្លងដែន ឬ Passport ជា​ចាំបាច់ ព្រោះ​ការងាររបស់ពួកគេតម្រូវឲ្យថ្វើដំណើរទៅច្រើនប្រទេស ដើម្បីទៅជួបអ្នកគាំទ្រគ្រប់ទិសទីជុំវិញពិភពលោក ក៏ដូចជាចូលរួមព្រឹត្តិការណ៍អន្តរជាតិផ្សេងទៀត។ ដោយសារតែតារាទាំងនោះ ត្រូវ​បាន​គេប្រទះឃើញជា​ញឹកញាប់ នៅព្រលានយន្តហោះ ហើយក៏មាន​រូបថតជា​ច្រើនរបស់តារា K-Pop ដែលកាន់ជាប់ជាមួយនឹង​លិខិតឆ្លងដែន។

ដូចថ្មីនេះ អ្នកគាំទ្រសង្កេតឃើញសមាជិកក្រុមនារីរបស់ HYBE គឺ LE SSERAFIM សុទ្ធតែកាន់លិខិតឆ្លងដែន មាន​ពណ៌ និងប្រភេទផ្សេងៗគ្នា ដោយវា​បានក្លាយជា​ការជជែកវិភាគ​ពេញ​បណ្ដាញសង្គម ពិសេសពីសំណាក់អ្នកគាំទ្រ​របស់ពួកគេផ្ទាល់។

ដើម្បីជា​ការបញ្ជាក់​ច្បាស់ សូម​បង្ហាញមូលហេតពីក្រោយ ការកាន់លិខិតឆ្លងដែនខុសគ្នារបស់ LE SSERAFIM ​ដូចតទៅ៖

តួយ៉ាងដូច Kim Chaewon និង Hong Eunchae ដែលសុទ្ធតែជា​ជនជាតិកូរ៉េ ដូច្នេះ​ពួកគេប្រាកដជា​ត្រូវ​មាន​លិខិតឆ្លងដែនកូរ៉េហើយ។ ប៉ុន្តែ Chaewon កាន់លិខិតឆ្លងដែនម៉ូដចាស់ (ពណ៌បៃតង) ស្របពេល Eunchae កាន់លិខិតឆ្លងដែន Version ថ្មី (ពណ៌ខៀវ)។

ចូលដល់ Huh Yunjin វិញ កាន់លិខិតឆ្លងដែនអាមេរិក ខុសគេ និងមានពណ៌ខៀវ។

ចំណែក Sakura និង Kazuna គឺជាជនជាតិជប៉ុន ដូច្នេះក៏ត្រូវ​មាន​លិខិតឆ្លងដែនជប៉ុនដែរ។ យ៉ាងណា​ក្ដី អ្នកទាំង ២ ក៏មាន Passport ខុសគ្នាដែរ ដោយសារ Sakura កាន់​ពណ៌ក្រហម ដែល​មាន​ន័យ​ថា​ វា​មាន​សុពលភាព​ ១០ឆ្នាំ។ ឯ Kazuna វិញ​ កាន់​ ពណ៌ខៀវទឹកប៊ិច ដែលជាលិខិតឆ្លងដែន មាន​សុពលភាព ៥ឆ្នាំ៕