G-Devith សហការជាមួយ Sting នាំមកនូវការប្រគំតន្ត្រីទោលខ្នាតយក្សដំបូងបង្អស់មិនធ្លាប់មាននៅកម្ពុជា

2022-10-21 06:52:48
ព័ត៌មាន

2022-10-21 06:52:48
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីអស្ចារ្យពុំធ្លាប់មាននៅក្នុងប្រទេសកម្ពុជា ដែលជាការប្រគំតន្ត្រី Solo Artist របស់តារារ៉េបដ៏ល្បីគឺលោក ជី ដេវីត ហើយក៏ជាអ្វីដែលអ្នកគាំទ្រជាច្រើននាក់ទន្ទឹងរង់ចាំខ្លាំងដែរ។

The Passion Album brought to You by Sting MusicVerse គឺជាការប្រគំតន្ត្រីពិសេសខ្នាតយក្ស សម្រាប់អ្នកគាំទ្រ Ditway ដែលរៀបចំឡើងនៅថ្ងៃទី២៩ ខែតុលា ឆ្នាំ២០២២ នៅ The Elysée, ផ្លូវ កោះពេជ្រ រាជធានីភ្នំពេញ។ នេះជាព្រឹត្តិការណ៍ដំបូងគេសម្រាប់តារារ៉េបទោល ឬ Solo Artist នៅក្នុងប្រទេសកម្ពុជា។ អ្នកគាំទ្រទាំងអស់របស់ ជី ដេវីត នឹងភ្ញាក់ផ្អើលចំពោះពេលវេលាអស្ចារ្យជាច្រើន ដែលត្រូវបានរៀបចំឡើង ព្រោះការប្រគំតន្ត្រីនេះ ពិតជាប្លែកខុសពីសព្វដង ដោយវាបានលាយឡំនូវបច្ចេកវិទ្យាទំនើបផ្សេងទៀត ដែលធ្វើឲ្យ The Passion Album Concert កាន់តែពិសេស ហើយរូបភាពទាំងនោះអ្នកធ្លាប់ឃើញតែនៅក្នុងពិភពហូលីវូដប៉ុណ្ណោះ។

ជាមួយអ្នកដែលបានទៅចូលរួមផ្ទាល់ នឹងប្លែកអារម្មណ៍ ដោយនឹងបានឃើញការសម្ដែង របស់ ជី ដេវីត ជាមួយនឹងបទចម្រៀងជាច្រើនបទ។ មិនទាន់អស់ទេ នៅក្នុងថ្ងៃកម្មវិធី លោកនឹងប្រកាសពីអាល់ប៊ុមទី ៣ ដែលមានឈ្មោះថា "The Passion” ដែលផ្ទុកទៅដោយបទចម្រៀងជាច្រើនបទ ច្រើនប្រភេទ និងគ្រប់ Style។

លើសពីពិសេសទៅទៀតនោះ ក៏ព្រឹត្តិការណ៍ប្រគំតន្ត្រីនេះ ក៏នឹងមានការចូលរួមសម្ដែងជាកិត្តិយសពីសំណាក់តារាថៃ Jannine Weigel និង Jarvis។ វត្តមានរបស់អ្នកទាំង ២ នឹងសហការជាមួយ ជី ដេវីត អង្រួនឆាកតន្ត្រីឲ្យក្លាយជាប្រវត្តិសាស្ត្រថ្មីមួយទៀត។