- 2023-02-14 08:20:25
- ព័ត៌មាន
តារាល្បីៗ ៦ដួង បើកបេះដូងបង្ហាញក្ដីស្រឡាញ់ ក្នុងថ្ងៃទិវា នៃក្ដីស្រឡាញ់
- 2023-02-14 08:20:25
- ចំនួនមតិ 0 | ចំនួនចែករំលែក 0
តារាល្បីៗ ៦ដួង បើកបេះដូងបង្ហាញក្ដីស្រឡាញ់ ក្នុងថ្ងៃទិវា នៃក្ដីស្រឡាញ់
ចន្លោះមិនឃើញ
មិនថាតែយុវវ័យ ឬគូស្នេហ៍ថ្មីថ្មោងទេ សូម្បីតែតារាល្បីៗមានវ័យជ្រេទៅហើយក៏បង្ហាញក្ដីស្រឡាញ់ចំពោះដៃគូជីវិត និងអ្នកនៅជុំវិញខ្លួនរាល់ឆ្នាំដែរក្នុងថ្ងៃ ១៤ កុម្ភៈ។ សម្រាប់ទិវា នៃក្ដីស្រឡាញ់ ឆ្នាំ២០២៣ គេចាប់អារម្មណ៍លើតារាល្បីឈ្មោះចំនួន ៦ដួង បានបង្ហាញសកម្មភាព និងពោលពាក្យដ៏មានអត្ថន័យ។
១/តារាកំប្លែង តាក់ស៊ី បានបង្ហាញរូបថតផ្អែមល្ហែមជាច្រើនសន្លឹកជាមួយភរិយាក្រោយរបស់លោក ដោយភ្ជាប់ពាក្យថា៖ "រីករាយទិវា នៃសេចក្តីស្រលាញ់ ១៤ កុម្ភៈ សូមឲ្យប្រពន្ធសម្លាញ់មានសុខភាពល្អ សម្រស់កាន់តែស្រស់ស្អាត និងស្រលាញ់ប្តីជារៀងរហូតបងស្រលាញ់អូនណាស់ប្រពន្ធសម្លាញ់"។
២/ តារាសម្ដែងរូបសង្ហារ សាយ សៀរ៉ា។ បើទោះបីជាលោកមិនសូវសប្បាយចិត្ដ ព្រោះតែទើបត្រឡប់មកពីពិនិត្យសុខភាពនៅក្រៅប្រទេស ហើយឃើញថាសុខភាពលោកមិនសូវល្អ ត្រូវប្រើថ្នាំតាមវេជ្ជបញ្ជាមួយរយៈ។ ប៉ុន្ដែលោកនៅតែបង្ហាញក្ដីស្រឡាញ់ទៅអ្នកជុំវិញខ្លួន និងគ្រួសារ ព្រមទាំងបានបង្ហាញនំដ៏ធំមានរាងជាបេះដូង និយាយថា "បាននំមួយពេញចិត្តណាស់"។
៣/ តារាចម្រៀងប្រចាំផលិតកម្មហ្គាឡាក់ស៊ី ខេម បាននិយាយថា រីករាយទិវា នៃក្ដីស្រឡាញ់។ សូមផ្ញើក្តីស្រលាញ់ជូនចំពោះ ម្តាយ ឪពុក បងប្អូន មិត្តភក្តិ ហ្វេនៗ បងប្អូន ជនរួមជាតិទាំងអស់។
៤/តារាចម្រៀងប្រុសរបស់ផលិតកម្មហង្សមាស ឆន សុវណ្ណរាជ ក៏បាននិយាយថា រីករាយ ទិវានៃក្ដីស្រឡាញ់ដែរ។ នៅមុននេះបន្ដិចលោកទើបទទួលបាច់ផ្កាដ៏ធំ និងស្រស់ស្អាតពីមេ ហើលោកនិយាយថា ៖ "មេស្រីជាទីគោរពស្រឡាញ់ នៃប្អូន @lindadadaisy ជូនពរមេស្រីសុខភាពល្អ រូបសម្រស់ស្រស់ស្អាត ដោយការគោរពស្រលាញ់ពីប្អូន។
៥/តារាចម្រៀងជួរមុខរបស់ផលិតកម្មហ្គាឡាក់ស៊ីកញ្ញា តន់ ចន្ទសីម៉ា និយាយថា រីករាយបុណ្យ នៃសេចក្ដីស្រឡាញ់ ក្ដីស្រឡាញ់មិនមែនមានតែមួយថ្ងៃ តែមានជារៀងរាល់ថ្ងៃ និងជារៀងរហូតទៅសម្រាប់ក្រុមគ្រួសារ ក្រុមការងារ Top fan TSM និងបងប្អូនទាំងអស់គ្នា។
៦/តារាចម្រៀងវ័យជ្រេសំឡេងផ្អែម សាន ផានិត។ លោកបាននិយាយដោយបើកចំហនូវគោលដៅក្នុងការរៀបចំជីវិតដ៏រីករាយជាថ្មីជាមួយភរិយា និងកូនៗក្នុងថ្ងៃបុណ្យ នៃក្ដីស្រឡាញ់តាមបណ្ដាញសង្គម។ លោកពោលថា៖ "បុណ្យឆ្នាំនេះប៉ា បានបំពេញក្តីស្រម៉ៃនិងសងក្តីស្រលាញ់ម៉ាក់ៗបានខ្លះៗហើយ...ពណ៌ស010 និងប៉ាស្ព័រ(លិខិតឆ្លងដែន) អ្នកទាំង៣ ក៍ប៉ាធ្វើរួចហើយដែរ ស្អែកៗប៉ាជូនឆ្លងដែនទាំងអស់គ្នា Bangkok , Pataya , Cheang Mai , Cheang Rai”។
សូមបញ្ជាក់ជូនថា ក្រៅពីតារាល្បីឈ្មោះទាំង ៦ដួងនេះ ក៏មានអ្នកសិល្បៈ និងអ្នកជំនាញមានមុខមានមាត់ក្នុងសង្គមមួយចំនួនទៀតដែរ បានបើកបេះដូងបង្ហាញក្ដីស្រឡាញ់ទៅកាន់ដៃគូជីវិត និងអ្នករស់នៅជុំវិញខ្លួន។ ក្នុងនោះមានដូចជា ពេជ្រ សោភា មាស សុខសោភា និងអ្នកជំនួញស្រី ទ្រី ដាណា ជាដើម៕
