នៅ កីឡាដ្ឋាន Arrowhead សហរដ្ឋអាមរិក កាលពីថ្ងៃទី ១០ ធ្នូ ម្សិលមិញនេះ គេប្រទះឃើញកំពូលតារាចម្រៀងស្រីរូបស្រស់ Taylor Swift លេចមុខចូលរួមគាំទ្រមិត្តប្រុស របស់ខ្លួន Travis Kelce ។

កាមេរ៉ា នៅកីឡាដ្ឋានអំឡុងពេលប្រកួតបាល់ឱប ចាប់សកម្មភាព Taylor Swift ជាច្រើនសន្លឹកខណៈនាងកំពុងគាំទ្រមិត្តប្រុស។ រូពភាពប៉ុន្មានសន្លឹករបស់ Taylor ធ្វើ ឱ្យអ្នកគាំទ្រ ក៏ដូចជាអ្នកចូលរួមផ្ទាល់ហាក់រំភើបជំនួស Travis ដែលមានអ្នកមកផ្ដល់កម្លាំងចិត្តយ៉ាងផ្អែមល្ហែម។

ស្របពេលប្រទះឃើញ Taylor ភ្លាមនោះ ពិធីករអធិប្បាយ បង្ហាញអារម្មណ៍រំភើបខ្លាំងពេកភ្លាត់មាត់យ៉ាងដូច្នេះថា ភិរិយា Travis ក៏មកគាំទ្រ និងទស្សនាការប្រកួតនេះដែរ។ និយាយរួចភ្លាម អ្នកអធិប្បាយរូបដដែរ បានកែភ្លែតថា “អូហ ខ្ញុំសុំទោះនាងជាមិត្តស្រីរបស់ Travis”។ ខណៈនោះក៏មានអ្នកអធិប្បាយម្នាក់ បោះពាក្យនិយាយថា “អ្នកទាំងពីរនៅមិនទាន់រៀបការនៅឡើយទេ”។

ភាពផ្អែមល្ហែម គាំទ្រគ្នាទៅមក យកចិត្តទុក្ខដាក់រវាងគ្នានិងគ្នា Taylor និង Travis ពិតជា ជាគូស្នេហ៍ ដែលអ្នកគាំទ្រចង់ឱ្យមានថ្ងៃពិសេសសម្រាប់អ្នកទាំងពីរ។ ទោះជាយ៉ាងក៏ដោយ សាមីខ្លួនទាំងពីរនៅមិនទាន់និយាយ ឬបង្ហើបពីរឿងអនាគត បង្កើតគ្រួសារ ឬយ៉ាងណានៅឡើយទេ៕