កម្មវិធី Grammy ឆ្នាំ ២០២៤ បាន​បញ្ចប់ទៅប្រកបដោយក្ដីរីករាយ និងរក​ឃើញម្ចាស់ពាន​រង្វាន់ជា​ច្រើន​នាក់ ដែលបាន​សាងស្នាដៃស្វិតស្វាញក្នុងពិភពតន្ត្រី។ ពេលវេលាដែលពោរពេញទៅដោយសំឡេងស្រែកហ៊ោរ សើចក្អាកក្អាយ ទឹកភ្នែក ការភ្ញាក់ផ្អើល បានកើតឡើងផ្ទួនៗក្នុងអំឡុងកម្មវិធីប្រគល់រង្វាន់កាលពីថ្ងៃអាទិត្យកន្លងទៅ។

ដូច្នេះជា​ការ​សរុប ខាងក្រោម​នេះគឺជាបណ្ដុំពេលវេលាសំខាន់ៗ និងមានន័យជា​ការចងចាំជាប្រវត្តិសាស្ត្ររបស់កម្មវិធី GRAMMY ឆ្នាំ ២០២៤៖

១. Taylor Swift ឈ្នះ​ពាន​ធំ ហើយ​ប្រកាស​ចេញអាល់ប៊ុម​ថ្មី

ពេលវេលារបស់ Taylor Swift ក្នុងកម្មវិធី Grammy ឆ្នាំ ២០២៤ បានបង្ហាញនូវការចងចាំដែលមិនអាចបំភ្លេចបាន ខណៈដែលតារារូបនេះ អាចធ្វើបាន មិនត្រឹមតែបង្កើតប្រវត្តិសាស្ត្រអស្ចារ្យប៉ុណ្ណោះទេ ប៉ុន្តែថែមទាំងបានប្រកាសដំណឹងដ៏ភ្ញាក់ផ្អើលមួយផងដែរ។ សម្រាប់ពានរង្វាន់ Grammy ឆ្នាំនេះ Taylor ត្រូវបានតែងតាំង និងឈ្នះដល់ទៅ ២ ពានរង្វាន់ធំៗ រួមមាន៖

• Album of The Yearតាមរយៈអាល់ប៊ុម Midnights (ឈ្នះ ជាលើកទី ៤)

• Best Pop Vocal Album តាមរយៈអាល់ប៊ុម Midnights

២. Miley Cyrus ឈ្នះពានរង្វាន់ Grammy និងកំណត់ត្រាប្រចាំឆ្នាំជាលើកដំបូង

Miley Cyrus បានយកឈ្នះរង្វាន់ដ៏អស្ចារ្យបំផុត ដែលជាកំណត់ត្រាប្រចាំឆ្នាំនៅឯកម្មវិធី Grammy ឆ្នាំ ២០២៤ សម្រាប់បទ "Flowers"។

៣. Jay-Z និយាយថា Grammy សម្រាប់ការខាតបង់អាល់ប៊ុមប្រចាំឆ្នាំរបស់ Beyoncé

Jay-Z ដែលបាននាំកូនស្រី Blue Ivy ឡើងលើឆាកនៅពេលទទួលយកពានរង្វាន់ Dr. Dre Global Impact Award បានលើកឡើងថា Beyoncé ឈ្នះពាន Grammy រាប់សិបដងច្រើនជាងអ្នកណាទាំងអស់ ប៉ុន្តែមិនដែលឈ្នះពានរង្វាន់កំពូលណាមួយទេ។

៤. Celine Dion ធ្វើ​ឱ្យ​ទស្សនិកជន​ភ្ញាក់ផ្អើល​នៅ​ពេលបង្ហាញវត្តមានក្នុងកម្មវិធី Grammy

Celine Dion បានបង្ហាញខ្លួនយ៉ាងភ្ញាក់ផ្អើលនៅឯកម្មវិធី Grammy ឆ្នាំនេះ ដើម្បីប្រកាសឈ្មោះអ្នកឈ្នះអាល់ប៊ុមប្រចាំឆ្នាំ។ វត្តមានពេលនេះ ធ្វើឲ្យគ្រប់គ្នាស្រឡាំងកាំង​ លាយឡំនឹងក្ដីរំភើប ដោយសារតារាស្រីរូបនេះ បានឃ្លាតឆ្ងាយពីវិស័យនេះរាប់ឆ្នាំទៅហើយ ខណៈត្រូវធ្វើរោគវិនិច្ឆ័យជំងឺ Stiff-Person Syndrome។ លោកស្រីបាននិយាយថា “នៅពេលដែលខ្ញុំនិយាយថា ខ្ញុំសប្បាយចិត្តដែលបានមកទីនេះ ខ្ញុំពិតជានិយាយចេញចេញពីបេះដូងរបស់ខ្ញុំពិតប្រាកដមែន”** ពេលនោះដែរទស្សនិកជនទស្សនាផ្ទាល់ក៏បានក្រោកឈរ ដើម្បីលើកទឹកចិត្តនាង ហើយច្រៀងតាមបទចម្រៀងរបស់នាងដែលមានចំណងជើងថា “The Power of Love”។

៥. Joni Mitchell ធ្វើឱ្យទស្សនិកជនស្រក់ទឹកភ្នែកពេលឈានជើងឡើងឆាកសម្តែង Grammy លើកដំបូង

Joni Mitchell បានឡើងសម្ដែងលើឆាក Grammy ជាលើកដំបូងក្នុងជីវិតនៅអាយុ ៨០ ឆ្នាំ ដោយច្រៀងបទរបស់លោកស្រីមានចំណងជើងថា "Both Sides Now" នៅលើឆាកក្នុងកម្មវិធីប្រគល់ពានរង្វាន់ឆ្នាំ ២០២៤ នៅលើកៅអីបត់នៅទល់មុខមនុស្សជាច្រើន៕

SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB