- 2024-02-17 08:16:56
- ព័ត៌មាន
លេចមុខ សេម រតនា ក្នុងឈុតល្ខោនខោលខ្មែរ នៅកណ្ដាលហ្វូងមនុស្ស ស្រាប់តែជួបរឿងនឹកស្មានមិនដល់
- 2024-02-17 08:16:56
- ចំនួនមតិ 0 | ចំនួនចែករំលែក 0
លេចមុខ សេម រតនា ក្នុងឈុតល្ខោនខោលខ្មែរ នៅកណ្ដាលហ្វូងមនុស្ស ស្រាប់តែជួបរឿងនឹកស្មានមិនដល់
ចន្លោះមិនឃើញ
អតីតតារាចម្រៀង សេម រតនា ដែលបច្ចុប្បន្នជាវេជ្ជបណ្ឌិត និងជាcontent creator ល្បីឈ្មោះមួយរូប បានធ្វើឲ្យមហាជន ជាពិសេសអ្នកគាំទ្រភ្ញាក់ផ្ញើល ក្រោយលោកបង្ហាញខ្លួនក្នុងឈុតបុរាណខ្មែរ ពោលគឺក្នុងទម្រង់សិល្បៈរបាំល្ខោនខោលខ្មែរដ៏ទាក់ទាញនៅកណ្ដាលចំណោមពេលរាត្រី លើទឹកដីអង្គរខេត្ដសៀមរាប។
តាមរយៈវីដេអូរយៈពេលជិត ១០នាទី បង្ហោះដោយលោក សេម រតនា កាលពីថ្ងៃទី១៦ ខែកុម្ភៈ ឆ្នាំ២០២៤ រូបលោក និងបុរសម្នាក់ទៀតបានស្លៀកឈុតល្ខោនខោលខ្មែរ ហើយដើរតាម Pub steet ដោយមានភ្ញៀវទេសចរជាតិ និងអន្ដរជាតិជាច្រើនសម្លឹងមើលលោកទាំងពីរ ហើយសុំថតរូបជាមួយទៀតផង។
បន្ទាប់ពីដើរ និងថតរូបជាមួយភ្ញៀវទេសចរបានមួយសន្ទុះ ស្រាប់តែពួកលោក បានជួបរឿងនឹកស្មានមិនដល់មួយ ដោយមានភ្ញៀវបរទេសមួយក្រុមបានមកសុំលោក និងមិត្ដភក្ដិដែលកំពុងស្លៀកឈុតបុរាណខ្មែរនោះថតជាមួយ ដើម្បីទុកជាអនុស្សាវរីយ៍ ប៉ុន្ដែនៅក្នុងដៃជនបរទេសនោះ មានកាន់ដបស្រារហូតដល់ទៅពីរដប។ ភ្លាមៗ លោកក៏បានប្រាប់ឲ្យមិត្ដភក្ដិម្នាក់ទៀតសុំឲ្យជនបរទេសនោះទម្លាក់ដបស្រាសិនមុនថត។
ដោយយល់ពីតម្លៃវប្បធម៌ខ្មែរ ជនបរទេសនោះបានទុកដបស្រាសិន ហើយក៏ចាប់ផ្ដើមឲ្យមិត្ដភក្ដិគេ ផ្ដិតយករូបដ៏ស្រស់ស្អាតបង្ហាញពីសម្លៀកបំពាក់បុរាណខ្មែរ ដោយទឹកមុខស្រស់ស្រាយ។ នៅក្នុងវីដេអូនេះដែរ លោក សេម រតនា បានអំពាវនាវដល់កូនខ្មែរគ្រប់រូបត្រូវហ៊ាននិយាយ ឬបង្ហាញពីការមិនពេញចិត្ដចំពោះទង្វើមិនសមរម្យមួយចំនួនបង្កើតឡើងដោយជនបទេស នាំឲ្យប៉ះពាលដល់តម្លៃសិល្បៈ វប្បធម៌ខ្មែរ។
លោក សេម រតនា បញ្ជាក់ថា ភ្ញៀវទេសចរបរទេស ជាពិសេសភ្ញៀវនៅប៉ែកអ៊ឺរ៉ុប គេមកលេងស្រុកខ្មែរ ឬនៅតំបន់អាស៊ី គឺគេមិនសូវចាប់អារម្មណ៍លើអគារខ្ពស់ៗនោះទេ ផ្ទុយទៅវិញគេសិក្សាស្វែងយល់ពីសំណង់បុរាណ សិល្បៈ វប្បធម៌ និងម្ហូបអាហារដែលជាទំនៀមទម្លាប់របស់ខ្មែរប៉ុណ្ណោះ។ ដូច្នេះក្នុងពេលដែលភ្ញៀវទេសចរបទេសមកលេងស្រុកខ្មែរ "ក្នុងនាមយើងជាកូនខ្មែរត្រូវបង្ហាញអ្វីដែលខ្មែរមាន"៕
