មិនអាចឱបដៃឈរមើលគេបំពានកិត្តយស និងសេចក្តីថ្លៃថ្នូររបស់ខ្លួន និងក្រុមគ្រួសារ សំណាង អេលីណា Miss International Cambodia 2023 បានចេញមុខប្រតិកម្មចំៗចំពោះស្ថាប័នសារព័ត៌មានមួយ។ កញ្ញា ចាត់ទុក ការចុះផ្សាយព័ត៌មាននេះ គឺបំភ្លើសប្រាស់ចាកពីក្រមសីលធម៌វិជ្ជាជីវៈ បង្កឱ្យមហាជនមានការយល់ច្រឡំដោយសារតែចំណងជើង និងអត្ថន័យ ដែលបង្កើតឡើងក្នុងគោលដៅទាក់ទាញចំណាប់អារម្មណ៍មហាជនឱ្យចុច like & share លើវីដេអូនោះ។

ការបង្ហោះរបស់ សំណាង អេលីណា នៅយប់ថ្ងៃទី៩ ខែមិថុនា បានធ្វើឱ្យអ្នកប្រើប្រាស់បណ្តាញសង្គម ជាពិសេសហ្វេនៗរបស់កញ្ញាមានការភ្ញាក់ផ្អើល ព្រោះនេះជាលើកទី១ដែលកញ្ញាចេញមុខបង្ហោះសារប្រតិកម្មយ៉ាងខ្លាំងក្លា ដើម្បីការពារកេរ្តិ៍ឈ្មោះ មុខមាត់ និងសេចក្តីថ្លៃថ្នូររបស់ខ្លួនឯង និងតម្លៃជាសិល្បការិនីម្នាក់ក្នុងសមាគមសិល្បករខ្មែរ។

សិល្បករ និងហ្វេនៗជាច្រើន​ បានជំរុញឱ្យ អេលីណា ដាក់ពាក្យប្ដឹងចំពោះការចុះផ្សាយព័ត៌មានបំភ្លើសនោះ តែដោយសារ អេលីណា មិនចង់មានរឿងវែងឆ្ងាយ​ ទើបឱ្យក្រុមមេធាវីចេញលិខិតជូនដំណឹងឱ្យស្ថាប័នសារព័ត៌មាននោះលុបចោលរាល់ការបង្ហោះទាំងអស់ ដែលទាក់ទងរូបកញ្ញា និងធ្វើការសុំទោសជាសារធារណៈដល់ កញ្ញា។

សំណាង អេលីណា ទុកពេលឱ្យម្ចាស់គណនីដែលបង្ហោះព័ត៌មានបំភ្លើសនោះលុបរាល់ការបង្ហោះជាបន្ទាន់ក្នុងរយៈពេលមិនលើសពី ២៤ម៉ោង គិតចាប់ពីម៉ោង ៩:០០នាទីព្រឹក ថ្ងៃទី១០ ខែមិថុនា ឆ្នាំ២០២៤ ជាកំហិត។ ប្រសិនបើមិនមានការលុបចោល និងសុំទោសាជាសាធារណៈតាមកាលកំណត់ទេនោះ នឹងមានចំណាត់ការតាមផ្លូវច្បាប់។

សូមជម្រាបថា គិតត្រឹមម៉ោង ១៣:៣០នាទីរសៀលថ្ងៃទីថ្ងៃទី១០ ខែមិថុនា ឆ្នាំ២០២៤ វីដេអូព័ត៌មានដែល សំណាង អេលីណា ធ្វើការប្រតិកម្មត្រូវបានលុបចេញពីគណនីហ្វេសប៊ុកបាត់ទៅហើយ ប៉ុន្តែគេនៅពុំទាន់ឃើញមានលិខិតសូមទោសជាសាធារណៈ ឬការកែតម្រូវព័ត៌មានក្នុងន័យសូមទៅ នៅលើសារព័ត៌ឥមាននោះនៅឡើយ។

គិតត្រឹមម៉ោង ១៣:៣០នាទីរសៀលថ្ងៃទីថ្ងៃទី១០ ខែមិថុនា ឆ្នាំ២០២៤ វីដេអូព័ត៌មានដែល សំណាង អេលីណា ធ្វើការប្រតិកម្មត្រូវបានលុបចេញពីគណនីហ្វេសប៊ុកបាត់ទៅហើយ ប៉ុន្តែគេនៅពុំទាន់ឃើញមានលខិតសូមទោសជាសាធារណៈ ឬការបង្ហោះសូមអភ័យទោសអ្វីនៅឡើយទេ។

សូមជម្រាបថា កាលពីថ្ងៃទី៦ ខែមិថុនា ឆ្នាំ២០២៤កន្លងទៅ កញ្ញា សំណាង អេលីណា បានចូលរួមកម្មវិធីសន្នីសីទសារព័ត៌មានកម្មវិធី Miss Cambodia 2024 ក្រោមការរៀបចំរបស់ក្រុមហ៊ុន Cambodia International Models (CIM) ដោយមានការចូលរួមពីលោកឧកញ៉ា ចិន សំណាង ជាម្ចាស់ sponsor ធំ។ សំនួរជាច្រើនត្រូវបានចោទសួរទៅកាន់វេទិកាកម្មវិធី ហើយស្ថាប័នសារព័ត៌មានមួយក៏បានចាប់ជ្រុងព័ត៌មាន អេលីណា រហូតកើតរឿងរ៉ាវឈានដល់ការចេញលិខិតព្រមានតែម្តង៕