
- សុក្រ, 30 សីហា 2024 03:19
- ព័ត៌មាន
តារាចម្រៀងសម្លេងស្អក ខេម បរិច្ចាគថវិកាផ្ទាល់ខ្លួនហើយ ឆ្លៀតកៀរគរថវិកាពីក្រុមបាល់ទាត់ទៀត
- សុក្រ, 30 សីហា 2024 03:19
- ចំនួនមតិ 0 | ចំនួនចែករំលែក 0
តារាចម្រៀងសម្លេងស្អក ខេម បរិច្ចាគថវិកាផ្ទាល់ខ្លួនហើយ ឆ្លៀតកៀរគរថវិកាពីក្រុមបាល់ទាត់ទៀត
ចន្លោះមិនឃើញ
ដើម្បីចូលរួមជាមួយរាជរដ្ឋាភិបាល សម្រាប់ការកសាងហេដ្ឋារចនាសម្ព័ន្ធនៅតាមបណ្តោយព្រំដែន ដោយផ្ដោតលើការកសាងផ្លូវក្រវាត់ព្រំដែន តារាចម្រៀងសម្លេងស្អកៗ ខេម បានចូលរួមបរិច្ចាគថវិកាផ្ទាល់ខ្លួនចំនួន ២០លានរៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»។
ក្រៅពីការបរិច្ចាគផ្ទាល់ខ្លួន ម្ចាស់បទ «ហេតុអ្វីអូនទៅចោលបង?» បានប្រមូលកៀរគរថវិកាពីក្រុមបាល់ទាត់ Cambodia Football Superstar បានប្រមាណ ២០លានរៀលបន្ថែមទៀត សរុបទាំងអស់ ៤០លានរៀល (១ម៉ឺនដុល្លារអាមេរិក) ដើម្បីបរិច្ចាគដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» ស្របតាមការប្រកាសរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។
ការសម្រេចបង្កើត «មូលនិធិកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណង ដើម្បី កៀរគរថវិកាបន្ថែមសម្រាប់កសាងហេដ្ឋារចនាសម្ព័ន្ធតាមបណ្តោយព្រំដែន ព្រមទាំងបានផ្តល់ឱកាសឱ្យប្រជាពលរដ្ឋខ្មែរគ្រប់មជ្ឈដ្ឋាន ក្នុងនិងក្រៅប្រទេសបានចូលរួមចំណែកផ្ទាល់ជាមួយរាជរដ្ឋាភិបាលក្នុងបុព្វហេតុការពារ និងអភិវឌ្ឍជាតិ ក្នុងស្មារតីមហាសាមគ្គីជាតិខ្មែរ ដើម្បីថែរក្សា សុខ សន្តិភាព អធិបតេយ្យ និងបូរណភាពទឹកដី ក៏ដូចជាការជំរុញការអភិវឌ្ឍ នៅតាមតំបន់ព្រំដែនឱ្យ បានកាន់តែ រឹងមាំ និងប្រកបដោយចីរភាព។
ក្រៅពីតារាចម្រៀងក្នុងផលិតកម្ម Galaxy Navatra ជាច្រើនរូបដែលបានចូលរួមបរិច្ចាគថវិកផ្ទាល់ខ្លួនដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» ក៏មានសិល្បករ និងប្រជាជនទូទាំងប្រទេស ដែលបានចូលរួមបរិច្ចាគថវិកាតាមលទ្ធភាព ដើម្បីចូលរួមជាមួយរាជរដ្ឋាភិបាល ក្នុងការកសាងហេដ្ឋារចនាសម្ព័ន្ធនៅតាមបណ្តោយព្រំដែន៕